Matapos bastusin, Aljur magso-sorry kay Mega

Kasali sa cast ng Mano Po 6 si Zsa Zsa Padilla sa role ng isang kontrabida at si Sharon Cuneta pa ang kanyang babanggain. Ang request ni Zsa Zsa sa Regal, gawing black at hindi lang gray ang kanyang character, ‘yun bang hanggang paglabas mo ng sinehan, galit at gigil pa rin ang moviegoers. Pagbibigyan ng Regal at ni direk Joel La­mangan ang singer-actress, kaya expect a real bad Zsa Zsa sa nabanggit na pelikula.

Marami ang nanghinayang sa hindi pagkakatuloy ni Marian Rivera sa Mano Po 6 dahil kinonsider din siya sa role ng anak ni Sharon Cuneta at pumayag daw ito.  Ang schedule lang nito ang pumigil para hindi matanggap ang pelikula.

Nai-imagine ninyo kung gaano ka-intriguing ang cast ng Mano Po 6 kung natuloy si Marian? Makakasama niya sana si Zsa Zsa Padilla na mother ni Karylle na ex ni Dingdong Dantes. Tiyak na maraming reporters ang dadalaw sa set ‘pag may eksena sina Zsa Zsa at Marian para lang magmasid kung nagbabatian at nag-uusap ba sila. Sayang!

***

Very apologetic pa rin si Aljur Abrenica kina Iza Calzado at Ms. Sharon Cuneta dahil sa diumano’y “pagnanakaw” nila ng eksena ni Kris Bernal sa premiere night ng The Echo. 

Sa kanila napunta ang atensyon ng tao at ang tutok ng mga camera nang lumuhod siya sa harap ng ka-loveteam sabay bigay ng flowers dahil hindi niya ito nasundo sa bahay para sabay silang pumunta sa premiere night.

“Gusto ko sanang tawagan si Ms. Sharon para personal na mag-sorry, pero ‘di ko pa nakukuha ang number niya. Kay Ms. Iza pa lang ako nakapag-apologize at sana, napatawad niya ako. Hindi ko intention na magnakaw ng eksena, gusto ko lang mag-sorry kay Kris dahil ‘di kami nagkasabay pumunta sa premiere night. Natagalan ang check-up ko at pagdating ko sa house nila, wala na siya. Hindi ko siya matawagan sa celfone dahil namatay ang cell ko.

“Sorry talaga sa mga na-offend ko,” ani Aljur.

Samantala, biniro ng press si Aljur na cast at garter lang ang suot niya nang rumampa sa launching nila ni Kris as Bench latest endorsers sa Trinoma last Friday. T-shirts at Raw Overhauled Jeans ang kanilang ini-endorse at dahil two months pa bago alisin ang cast, mamaya sa premiere night ng Nandito Ako… Nagmamahal Sa ‘Yo, aalalayan pa rin ni Kris ang ka-loveteam para ‘di mabangga ang kamay.