Pagkatagak ni Louie sa Survivor, mirisi?
CEBU, Philippines - Na-eliminate na niadtong Biyernes sa gabii ang giila nga bad boy sa Survivor Philippines: Palau nga si Louie Ang.
Matud pa sa 24 anyos nga IT specialist, nasayod siya nga “demonyo” ug “ahas” ang paglantaw sa iyang mga co-castaways ngadto kaniya.
Giklaro ni Louie nga buotan siya sa tinuod nga kinabuhi sanglit usa lang sa matang sa strategy ang iyang pagminaldito sa maong reality show.
Gibutyag hinoun ni Louie nga nasuod na niya karon ang kanhi niya kaaway sa maong show nga si Charles de Vera Fernandez.
Pipila usab sa mga himantayon ang nakaingon nga ang pagka-tsugi ni Louie sa Survivor kay senyales nga gigabaan kini tungod sa iyang kasalbahis ug kusog usab kini magbuot-buot sa nangagi nila nga mga challenges.
Kusog usab kini manglibak sa iyang mga kaubang castaways. (Sanden J. Anadia)
- Latest
