CEBU, Philippines - Gituki na karon nila ni Gary Valenciano ug Martin Nievera ang repeat sa As 1, ang successful concert nila sa concert grounds sa Mall of Asia niadtong September 19.
Ruffa wa molarga oy!
Sayop ang balita nga milarga si Ruffa Gutierrez nga milarga kini sa Amerika ug nakigtagbo kang John Lloyd Cruz didto. Tsika sa PangMasa nia ra sa Pilipinas ang actress/tv host gani mitambong kini sa red carpet premiere sa The Echo sa Megamall niadtong Miyerkules sa gabii.
Patient X nahuman na
Nag-wrap up party na didto sa Hierarchy Bar ang cast sa Patient X. Buot pasabot, sigurado na gyud nga masalida kini karong October 28. Bida niini si Richard Gutierrez, kauban si Cristine Reyes.
Ricky ug designer to the highest level na
Wala nay tago-tago pa sila si Ricky Davao ug ang magazine publisher nga si Sari Yap. Nakit-an na pod sila nga nagkuyog didto sa Makati Shangri-la Hotel niadtong Miyerkules sa gabii busa misamot na ang pagduda nga duna gyud silay relasyon.
MTV Radio
Duna nay radio station ang MTV. Hatagan sa MTV og morning radio show si KC Montero.
Dagan lagi mo!
Pwes marathon ug work out ang gikabuangan ni Paolo Paraiso busa sulod lang sa usa ka buwan nahibalik ang nindot niya nga lawas nga iyang ibandera sa Sine Nobela nga Kaya Kung Abutin Ang Langit ni Iza Calzado sa GMA-7.
Rico kapuso na!
Mitikang na sa tugkaran sa GMA-7 ang kanhi Pinoy Big Brother season 1 housemate nga si Rico Barrera. Nalakip karon si Rico sa GMA afternoon soap nga Tinik Sa Dibdib starring Sunshine Dizon, Marvin Agustin ug Ara Mina.
Koror na pud
Nagmadaogon na pud ang Koror sa bag-ohay nga Immunity Challenge sa nagpadayong Survivor Philippines Palau sa GMA-7. Si Cris sa Tribo Airai maoy nakadawat sa Immunity bracelet
Dancer diay si direk
Kanhi sakop diay sa breakdance group sa Davao ang director sa Hollywood movie nga The Echo nga si Yam Laranas.
Sakyanan ni Sunshine nadombolan
Nadombolan ang sakyanan ni Sunshine Dizon sa laing sakyanan niadtong Miyerkules sa gabii sa Scout Rallos, Quezon City. Nahitabo kini atol sa break sa aktres sa taping niya sa Tinik Sa Dibdib. Hinoun wa’y naangol sa maong insidente.
Premiere sa The Echo star-studded
Gibahaan sa mga artista ang premiere night sa The Echo. Nanambong sila si Sharon Cuneta, Miriam Quiambao, Bubbles Paraiso, JC Tiuseco ug uban pa.
Gutierrezes todo suporta sa Sigaw
Naghugop ang Gutierrez family sa paglantaw sa Hollywood version sa Sigaw atol sa premiere night.
Alkris nagpa-cute sa sinehan
Atol sa premiere night sa The Echo, miabot si Aljur Abrenica nga dunay dala nga bouquet for Kris Bernal.
Ynna bag-ong talent sa GMA
Misulbong na ang bag-ong bituon sa GMA-7 nga si Ynna Asistio human mipirma kini og kontrata sa GMA Network Center.