Eugene Dominggo na talaga!

CEBU, Philippines - Nasorpresa ang nagkadaiyang theater managers, lakip na ang producers mismo sa Kimmy Dora starring Eugene Dominggo under Spring Films. Kini tungod sa kakusog niini sa takilya, bisan pa man og didto sa Metro Manila nagbagyo og labihan ang pagbunok sa uwan nga maoy nakaingon sa pagbaha. Gibana-bana nga mikabat na karon og P65M ang gross income sa maong pelikula diin usa sa mga producers si Piolo Pascual. Ang makahugyaw mao nga wala kaayo’y budget ang maong pelikula sa promotion, ug nagsalig ra sa “word of mouth”, Facebook ug Multiply.

Mubalik gyud kaha?

Human sa iyang show sa Lake Tahoe sa Seattle, gitakda nga mahibalik si Willie Revillame sa Pilipinas ugma puhon, September 16. Pero suma pa nga dili pa gyud sigurado kung mubalik na ba gyud siya sa Wowowee karong September 21, nga sumad pod sa Martial Law.

Bunyag sa anak

Karong adlawa, September 15, ang bunyag sa anak ni Jaya nga si Dylan, didto sa Sta. Maria dela Strada Parish Church. Kini mao ang ikaduhang anak sa singer ug sa iyang bana nga si Gary Gotidoc.

Nagdamgo og dili mao

Dunay migawas nga tsika nga ang tinuod rason nganong wala mupadayon si Heart Evangelista sa Patient X mao nga human sa first shooting day niya, kanunay na siya nga magdamgo og dili maayo.

Patrick Bible study ang diskarte

Usa ka kasaligang tinubdan ang mibutyag nga seryoso karon si Patrick Garcia og tambong og Bibble study didto sa Bulacan diin tua magpuyo si Glaiza de Castro. Ang tsika mao nga subling nangulitawo si Patrick kang Glaiza ug desidido kini nga maangkon ang matam-is nga “yes” sa nagkasikat na nga character actress.

Angelika binut-an na

For the first time, dili na kontrabida ang role ni Angelika dela Cruz, sa iyang comeback serye nga Kaya Kong Abutin Ang Langit nga pelikula nila ni Maricel Soriano ug Gina Alajar niadtong 1984. Si Iza Calzado maoy modala sa papel ni Maricel kaniadto ug maoy bida-kontrabida, isip ambisyosa nga babaye, sa Sine Novela version sa GMA-7. Samtang bag-o na og manager si Angelika, si Perry Lansigan na, kinsa maoy nagdumala nila ni Dingdong Dantes ug Geoff Eigenman.

JC makaluluoy

Giangkon ni JC de Vera nga apektado gyud ang iyang career human sa away nila ni GMA-7 Senior Vice President for Entertainment Wilma Galvante ug sa iyang manager nga si Annabelle Rama nga misangko pa sa korte. Suma pa ni JC nga nabugnaw gyud ang iyang career ug naunhan pa hinuon siya sa mga bag-ong sulbong. Karon nga hapit na mahuman ang Ngayon at Kailanman nila ni Heart Evangelista, wala pay follow-up project ang young actor.