CEBU, Philippines - Naggubot ang taping ni Marian Rivera didto sa Balibago Pampanga niadtong Huwebes tungod kay nakit-an sa mga tawo sa set nga nag-Darna costume ang aktres, hinungdan nga gihugopan nila ang dalaga. Bisan og medyo nauwaw, gipadayon lang gihapon ni Marian ang taping human sa pipila ka gutlo didto sa usa ka police precinct.
Maja way uyab, way nanguyab
Hugtanong gihimakak ni Maja Salvador ang intriga nga nangulitawo karon niya si Sam Milby. Suma pa sa young actress nga never gyud kini nga nahitabo, hinungdan nga naglibog siya diin maggikan ang maong balita. Labaw pang dili tinuod niya pa ang intriga nga hasta si Jon Avila naninguha niya karon. Subling gitataw ni Maja nga nagpabilin siyang single, ug wala gyud sila magkauyab ni Carlo Aquino.
Pang promo ra!
Giklaro ni Geoff Eigenmann ngadto sa PangMasa nga wala pa siya manguyab ni Carla Abellana, bisan og kanunay silang sweet ug makit-ang mag-holding hands. Kanunay matud pa silang manuroy, usahay motan-aw og sine, pero daghan silag mga kauban.
Jean di pa andam
Gipadayag ni Jean Garcia nga di pa siya andam nga makig-talk og balik sa iyang ex-boyfriend nga si Polo Ravales busa dili na angayan nga hisgutan pa ang past niya nga lovelife.
A1 Concert halinon
Mikabat na matud pa sa P10 Million ang ticket ug sponsorship sales sa umaabot nga concert nila ni Martin Nievera ug Gary Valenciano karong September 19 sa SM Mall of Asia Concert Grounds. Gitawag og A1, ang maong concert giisip nga talagsaon sanglit, ang album niini nahimo gilayong gold record sulod lang sa usa ka semana humana gilusad, diin matud pa sa www.stir.ph, ang Facebook account sa maong concert, muhalin og 400 tickets sulod lang sa 20 minutes.
Valerie pahayahay sa Hongkong
Milupad kagahapon si Valerie Concepcion kauban ang iyang tibuok pamilya aron mobakasyon. Iya pod kining dalit ngadto sa iyang mga igsuon ug mga ginikanan, samtang regalo kini niya para sa iyang anak nga si Fiona tungod kay dagko og grado sa school.Sa Hongkong Disneyland sila maglaroy-laroy. - Ryan Mark
Gimik nila ni Pauleen ug Dennis
Nangangkon si Pauleen Luna nga siya maoy unang gitawgan ni Dennis Trillo niadtong naaksidente kini sa Boracay sa milabay nga Miyerkules sa hapon. Suma pa niya naghilak pa si Dennis dihang nahinabi niya sa telepono, ug labihan ang pagkakugang sa nahitabo. Apan dihang gipangutana sa PangMasa kung sila pa ba gyud diay maoy uyab, showbiz na kaayo ang tubag sa dalaga: close friends ra matud pa sila.Pero dunay miingon nga gimik ra gyud ang relasyong Dennis ug Pauleen, ug karong mahuman na ang Adik Sa Yo, quits na pod sila.
Alkris sigeg simba
Nag-uban permi sila si Kris Bernal ug Aljur Abrenica sa pagpanimba matag Domingo aron mag-ampo nga magmalampuson unta ang launching movie nila nga Nandito Ako... Nagmamahal Sa ‘Yo nga giderek ni Maryo J. de los Reyes sa Regal Entertainment.