CEBU, Philippines - Gihulagway nga hugyaw ang trailer sa Nandito Ako... Nagmamahal Sa ‘Yo, ang launching movie nila ni Aljur Abrenica ug Kris Bernal sa Regal Entertainment diin una kini nga higayon nga makita si Kris nga nag-two-piece.
Ang sexy nga lawas ni Kris resulta sa higpit nga training.
“Conscious na conscious ako na naka-two-piece at unang labas ko sa cottage, naka-shorts at naka-sarong ako. Pero, ipinaalis ni direk Maryo (de los Reyes) , nagtago nga ako sa likod ni Aljur dahil nahihiya ako. Pumayag din akong mag-two-piece dahil kailangan sa movie at may tiwala ako kay direk Maryo,” nagkanayon si Kris.
Sa poster pa lang niini, tataw na kaayo ang lugar sa Bohol diin gihimo ang labing daghan nga eksena ilabi na sa Chocolate Hills.
Gibutyag usab ni Kris nga nagbuka ang iyang baba samtang gibuhat nila ang kissing scene ni Aljur sanglit mao kini ang sugo sa direktor aron ma-feel gayud sa mga moviegoers ang maong eksena.
“MU” pa gyud ang status nila ni Aljur ug Kris kay buot sila mo-fous sa ilang career. Karong September 30 na ang showing sa Nandito Ako... Nagmamahal Sa ‘Yo.
Samtang ang TV series nila nga All My Life sa GMA-7, matapos na karong September 18.