Walang dapat sisihin sa nangyari sa kaibigan ni
Dennis Trillo
na nalunod sa Boracay noong Miyerkules.
Aksidente ang nangyari. Siguro oras na talaga niya at ang pagkalunod ang paraan ng kanyang pagkamatay.
Hindi dapat ma-guilty si Dennis dahil ginawa niya ang lahat para mailigtas ang kanyang kaibigan. Talagang traumatic ang aksidente para kay Dennis lalupa’t na-witness niya ang buong pangyayari.
Ipagdasal na lang niya ang kapayapaan ng kaluluwa ng kanyang friend.
* * *
May mga nagtatanong sa akin kung totoo ang balita na break na sina Pauleen Luna at Dennis.
Hindi ko masabi ang tumpak na kasagutan dahil never inamin ng dalawa na may relasyon sila.
Paano maghihiwalay sina Dennis at Pauleen kung hindi naman sila nag-on?
Ibabalita ko sa inyo ang latest update kapag nakausap ko na si Pauleen at ang kanyang ina. Hindi sila nagsisinungaling sa akin or else..
* * *
Cry na naman si Kris Aquino nang i-declare ni Noynoy ang presidential bid nito sa Club Filipino.
Umiyak din si Tetay sa SNN dahil na-touch siya sa mga kandila at bulaklak na dinadala ng mga tao sa puntod ni Mama Cory.
Ten days na mawawala si Tetay dahil pupunta sila ng kanyang pamilya sa Hawaii para magbakasyon.
Matagal nang plano nina Tetay at James Yap na mag-out of the country pero namatay nga si Mama Cory kaya ngayon lang matutuloy ang kanilang pagbabakasyon.
Ka-join sa Hawaii trip si Baby James, ang secret weapon nina Tetay at Korina Sanchez.
Friends pa rin sina Tetay at Mama Koring. Hindi sila nagpaapekto sa mga intriga ng pulitika. Tuloy ang pag-abay ni Baby James sa kasal nina Mama Koring at Senator Mar Roxas.
Hindi totoo na mabubulilyaso ang pagiging abay ni Baby James dahil nag-back out si Papa Mar sa kandidatura nito sa pagkapangulo bilang pagbibigay-daan kay Noynoy.
* * *
Success ang unang make-over ni Tetay kay Noynoy.
Nagustuhan ko ang haircut ni Noynoy nang ideklara niya ang kanyang kandidatura.
Magaling ang hair cutter na kinuha ni Tetay para sa kanyang kuya.
Maaliwalas ang itsura ni Noynoy. Hindi na siya mukhang aburido o harassed. Tagumpay ang make-over project ni Tetay.