CEBU, Philippines - Giingong giplanohan karon nga i-air na matag gabii ang gag show sa ABS-CBN nga Banana Split, nga kasamtangang makita matag Sabado. Puwes matag gabii na pud makita ang impersonators nila ni Kris Aquino ug Boy Abunda nga sila si Jayson Gainza ug Angelica Panganiban kinsa misunod sa estilo sa SNN (Showbiz News Ngayon).
Maxene taas og pasensiya
Gibutyag ni JC Tiuseco nga boutan nga pagkatawo si Maxene Magalona kinsa kauban niya sa seryeng Kung Aagawin Mo Ang Lahat Sa Akin sa GMA-7. Matud pa ni JC nga taas kaayo og pasensiya si Maxene bisan dunay mga panahon nga permi siya mabulol atol sa ilang mga eksena.
Big project for KC Montero
Dunay nagpaabot nga dakong proyekto si KC Montero sa MTV (Music Television) karong October hinungdan nga nahibalik siya karon sa Pilipinas human sa duha ka tuig kapin nga pagpuyo sa Amerika.
Ogie napatiran
Giingong naaksidente si Ogie Alcasid sa SOP kagahapon. Matud pa sa taho sa PEP nga napatiran sa usa ka dancer ang gihuptan nga mic ni Ogie hinungdan nga nagkadugo ang nawong sa singer.
Bongga si Pokwang
Matud pa nga kung madayon nga ibutang sa primetime ang Banana Split, matawag nga suwerte ang usa sa cast niini nga si Pokwang. Doble na unya ang show ni Pokwang matag adlaw, ang Wowowee ug Banana Split.
Becky Aguila di manginlabot
Gipadayag sa manager ni Angel Locsin nga si Becky Aguila nga di siya buot nga moapil-apil sa sitwasyon karon sa iyang talent kinsa buwag na kang Luis Manzano. “Ayaw sabihin ni Angel sa akin ang tunay na reason ng kanilang break-up.And I’m not the type naman of talent manager na pati lovelife ng alaga ay pinakikialaman,” matud pa ni Becky.
Ilisay og miyembro sa Tribo
Mag-ilisay na og mga miyembro sa tribo Airai ug Koror sa Survivor Philippines : Palau karong gabii. Gipaabot nga magbaha pa ang nagkadaiyang challenges sa nahisgutang show.
Cogie nagpabiling tak-om sa isyu
Hangtud karon nagpablin nga nagpakahilom si Cogie Dominggo human miulbo ang balita nga iyang nakarelasyon ang kanhi kapuyo ni Chavit Singson nga si Che Tiongson. Puwes ang amahan ra gyud sa actor ang mitingog kinsa kusganong midepensa sa iyang anak.
Mas adventurous
Gipadayag sa director sa Star Struck nga si Rommel Gacho ( direktor sukad pa sa batch 2) nga mas adventurous ang mga mi-audition karon sa nahisgutang reality show.
Chavit-Che love story mitalbog sa ubang isyu
Tsika pa sa beteranang kolumnista nga si Manay Lolit Solis nga gitalbogan sa love story nila ni Chavit Singson ug Che Tiongson ang mga isyu karon sa showbiz. “Sila ang laman ng mga showbiz talk show, mga entertainment column at headline ng mga diyaryo, mapa-tabloid at broadsheet. Hindi na sila maabot ha?,” hirit pa ni Manay.
Lara di gyud magpa-sexy
Gibutyag sa beauty queen nga si Precious Lara Quigaman nga di gyud siya mo-pose og sexy magazine. Mas pilion pa sa dalaga nga ipablin ang iyang wholesome image kay kontento na siya niini.
Mo nangayo og pasaylo kang Rufa Mae
Nangayo og pasaylo kagahapon si Mo Twister kang Rufa Mae Quinto.Kahinumduman nga gi-post ni Mo sa iyang Twitter account nga mituo siya nga engaged si Rufa Mae kang Mikey Arroyo. Matud pa sa host nga iya lang kadto nga komedya busa nangayo siya og despensa sa iresponsable niya nga mga lihok.
Red carpet premiere sa Stairway malampuson
Gidumogan og maayo ang red carpet premiere sa Stairway To Heaven kagahapon sa SM Megamall Cinema 10. Ang maong serye gibidahan nila Dingdong Dantes ug Rhian Ramos. Tsika pa sa Pang Masa nga ubay-ubay usab sa mga Kapuso Stars ang mitambong sa maong premiere.
30 pasahero sa Super Ferry 9 , mga Crew sa Ai-Erap movie
Gikatahong nalakip ang 30 ka mga crew sa pelikula nila ni Ai-Ai Delas Alas ug ex-president Joseph Estrada sa mga pasahero sa nalunod nga Super Ferry 9 kagahapon sa Isla de Bato, Rampun point sa Zamboanga del Norte.
Ang maong barko gikan sa lungsod sa General Santos kung diin gi-shoot ang pipila ka mga eksena sa Ai-Ai- Erap movie.
Ang maong mga crew puros empleyado sa Star Cinema nga nakabase sa art department.
Jomari saludo kang Carla
Gidayeg ni Jomari Yllana angn kabuotan ni Carla Abellana sa set sa Rosalinda.Si Jom ang midala karon isip Alex Durantes sa maong serye.
“ As a beginner, magaling siyang umarte (Carla) lalo na sa madadramang eksena. Bilib din ako sa kanyang pagkatao dahil mabait siya at marunong makisama,” nagkanayon si Jom.
Matud pa sa actor nga na-enjoy siya og maayo sa maong serye kay feeling niya mibalik siya sa pagka-bagets.
“Feeling bagets ako dahil bata si Carla gayundin ang mga kasama ko sa teleserye. Happy ako at excited na makapareha niya bilang si Alex Durantes. Ang ganda ng kanyang mukha at sa pamamagitan ng make-up ay pwede niyang baguhin ang itsura na babagay sa kanyang personalidad,” dugang pa sa actor.
Kabanay ni MJ nadismaya sa media
Nadismaya ang pamilyang Jackson sa media gumikan sa gihimong coverage niini sa lubong sa King of Pop nga si Michael Jackson niadtong Biyernes. Matud pa sa igsuon sa pop icon nga si Randy, wa gisunod sa media ang ilang hangyo nga himoon og pribado ang lubong sa iyang igsuon . Nasayran nga dunay migamit og helicopter aron mokuha og video footage atol sa lubong ni MJ.