Marian ug Manny wa gaapas sa rating

CEBU, Philippines - Sa milabay’ng gabii nakita na ang official costume ni Darna ug karong gabii kay masaksihan na pud ang iyang paglupad.

Samtang atol sa presscon nila ni Marian Rivera ug Manny Pacquiao alang sa sitcom nga   “Show Me Da Manny,”   gibutyag sa duha nga wa nila huna-hunaa ang ratings kay importante kanila nga makalingaw sila sa katawhan ug magsilbi na lang nga bunos kung makakuha sila og hugyaw nga ratings.

Karong August 23 na ang pilot episode sa maong programa sa GMA-7.

Matud pa ni Marian nga very down to earth nga pagkatawo si Manny bisan pa man sa status niini isip world champion sa boxing. 

Wa puy angay nga ikaselos si Jinkee (wife ni Manny) kang Marian sanglit trabaho lang ang ilang gibuhat.

Erich di gyud mag uyab-uyab

Segurado na gyud si Erich Gonzales sa iyang desisyon nga mohatag og hingpit nga pagtagad sa iyang career ug dili una mosulod sa uyab-uyab.

Atol sa presscon sa “Katorse,” nangugat si Erich sa pag-deny sa isyu nga uyab na sila ni Xian Lim , ang iyang leading man sa nahisgutang serye.

Hinuon nagparamdam si Xian kang Erich pero iya gayud nga gibarugan ang iyang desisyon nga dili mosulod sa maong butang

Ang tema ng “Katorse” kabahin sa unwanted pregnancy sa bata pa kaayo nga pangedaron.

Matud pa ni Erich kung mahitabo man kaniya ang maong sitwasyon , iya gayud kini nga barugan ug dili kini angay nga ipakuha.

“The Echo” ni Iza isalida na

Mapasalamaton kaayo si Iza Calzado gumikan kay ipasalida na ang  iyang international movie nga “The Echo” diin giderek kini sa Hollywood ug Filipino director nga si Yam Laranas kinsa mao usab ang director sa iyang pelikula niadto uban ni Richard Gutierrez nga “Sigaw.”

 Ang pelikulang “The Echo” makita karong September 23 nga i-release sa Viva Films.

Sa laing bahin napul-an na si Iza sa pagtubag sa isyu kabahin sa nahitabong gap nila ni Sunshine Dizon.

Mas pilion pa sa aktres nga mo-focus sa iyang trabaho sa “SRO Cinemaserye Presents: Rowena Joy” sa GMA-7.