SEEN : Si Gabby Concepcion pa rin ang guest host sa Wowowee.
Hindi nami-miss ng mga televiewers si Willie Revillame dahil tuloy ang buhay ng Wowowee kahit wala siya.
SCENE : Ang matunog na po at opo ni Mariel Rodriguez sa pakikipag-usap niya kay Gabby Concepcion.
SEEN : Claim to fame ni Dante Nico Garcia ang friendship nila ni Judy Ann Santos. Feeling celebrity din siya.
SCENE : Gaganapin sa Aug. 30 ang annual ball ng Star Magic.
SEEN : Sina Katrina Halili at Mark Herras sa show nila sa California para sa Pinoy TV ng GMA 7.
Pinupuri ang production number ni Mark at pinipintasan si Katrina dahil wala itong connect sa audience.
SCENE : Inihahalintulad sa kuwento ng PS I Love You nina Hilary Swank at Gerard Butler ang plot ng And I Love You So nina Bea Alonzo at Sam Milby.
SEEN : Si Judy Ann Santos sa Hong Kong para sa register and vote project ni Senator Francis Pangilinan.
Subtle na early campaign ni Sen. Kiko sa mga OFWs sa HK.
SCENE : Lalong sumikat ang Banana ni Blanktape dahil sa pasya ng Catholic Bishops Conference of the Philippines (CBCP) na i-ban ang kanyang kanta.