Marian niregaluhan ni Dingdong ng house and lot

May taping si Marian Rivera ng Darna sa San Miguel, Bulacan kahapon sa kanyang birthday at maaga itong nag-report, kaya nang i-text namin para batiin, mabilis na sumagot. Kinongratuleyt din namin ito sa mataas na rating ng Darna sa pilot episode at nagpapasalamat sa lahat ng nanood.

May Marian-Dingdong Dantes fan na nag-email sa amin at itanong daw na­min kung totoong Por­sche car ang birth­day gift ni Marian noong August 2, birthday ng actor at house and lot naman daw ang birth­day gift sa kanya ng binata.

“Lahat po hindi totoo Tita Nitz. May gift po ka­mi sa isa’t isa, pero hin­di po ganun at ang im­por­tante, happy ka­mi,” sagot ni Marian.

Malinaw ’yan ha, hin­di sports car at house and lot ang gift nila sa isa’t isa at kung ano yun, dinidis­kubre pa namin.

* * *

Natawa si Jinkee Pac­­quiao sa tanong kung nai-insecure siya sa mom-in-law niyang si Aling Dionisia, kaya tinanggap niyang ma­ging endorser ng Belo Medi­cal Group. Su­nud-sunod daw kasi ang endorse­ment ng ina ni Manny at ayaw ni­yang mapag-iwanan.

Ang Diet Injections at Smart Lipo ang ini-en­dor­se ni Jinkee at ra­son sa kanyang 105 lbs. tim­bang at hugis ng ka­tawan na parang wa­la pang apat na anak. Na­tawa nitong iki­nu­wento na nag­se­se­los ang asa­wa sa ka­sek­sihan at pag­papa­ganda niya, pero para rin ito sa mister na mas­ya­dong lapi­tin ng mga ba­bae.

Non-surgical treat­ment ang Diet Injections at bagay sa mga takot sa karayom at opera ga­ya ni Jinkee ang pro­se­so. Kai­la­ngan lang mati­ya­gang pumunta sa Belo for 23 days at han­dang mag­ba­yad ng P24,000 at pa­pa­yat na kayo. Sama­han n’yo rin siyem­pre ng diet at workout para mas maging effective ang pagpapapayat ninyo.