CEBU, Philippines - Full-time psychic ang kanhi sikat nga theater actor nga si Danny Cinco ug sikat na kaayo siya sa tibuok Asya, diin mga dagkong negosyante, politico ug VIPs ang iyang mga kliyente.
Niining bag-o lang nahinabi siya sa PangMasa ug usa sa nahisgutan mao ang posibilidad nga molansar si Kris Aquino sa umaabot nga piniliay.
Pero suma pa ni Danny dili pa karong 2010 mosalmot sa politika si Kris pero tinuod nga siya maoy mopadayon sa nasugdan sa iyang inahan nga si kanhi Presidente Cory Aquino.
Matud niya nga posibli nga molansar si Kris sa 2012 na, ug modaog gyud kini.
‘‘Maganda namang magsimula siya habang bata pa,’’ nagkanayon si Danny ngadto sa PangMasa. ‘‘Sa sisimulan niyang paglilingkod sa bansa, mahuhulog na siya sa higit na mataas na posisyon pagdating ng araw.’’
Sa mga artista, nindot ang panagna ni Danny kang Sarah Geronimo nga matud pa niya daghan pa og kalampusan nga maangkon sa 2010 ug puros blockbuster ang mga pelikula nga himuon niini, ingon man daghan pa kini og umaabot nga hit records. Nasayran nga unang naila si Danny Cinco isip mananagna dihang iyang gitag-an nga modaog sila si Presidente Tita Cory ug si kanhi Presidente Fidel Ramos. Si Danny pod ang unang mitag-an nga atakihon og mga terorista ang Amerika, ug natinuod kini tungod sa nahitabo sa New York twin towers o World Trade Center niadtong 1998. Sanden J. Anadia
Sandara nia sa ‘Pinas karong Huwebes
Gikatakda nga moabot sa Pilipinas si Sandara Park karong Huwebes, August 13 alang sa iyang three-day vacation.
Tsika pa sa ina-inahan ni Sandara dinhi sa Pilipinas nga si Eleina dela Vega nga documented ang tulo ka adlaw nga buhaton niini dinhi sa nasud.
“Lahat silang members ng 2NE1, they were given three days para magbakasyon sa place na gusto nila. Pinili ni Dara ang Pilipinas. May nakasunod sa kanyang TV crew from Korea everywhere she goes,” balita ni Eleina ngadto sa PangMasa.
Unang activity nga tambungan ni Sandara ang reunion sa Star Circle Teen Quest uban nila ni Roxanne Guinoo, Neri Naig, Joross Gamboa ug uban pa. “As early as now, may mga requests na for guestings sa iba’t ibang ABS-CBN shows pero kulang talaga sa oras,” matud pa ni Eleina.
Mo-guest si Sandara karong Sabado sa Entertainment Live! sa Sabado, naa pud siya’y mall show ug ang chat session niya sa ABS-CBN Interactive. Inila na karon si Sandara didto sa Korea gumikan sa kasikat sa iyang grupo nga 2NE1.