Be Simple
CEBU, Philippines - Nagkakusog ang panawagan aron palansaron si Kris Aquino isip presidente sa umaabot 2010 elections. Pero kung basihan ang pamahayag ni Kris niadtong Miyerkules sa buntag, dugay pa kini mahitabo.
Kahinumduman nga nahisgutan ni Kris nga diha nay misugyot aron mosalmot na si Kris sa politika, apan miingon ang ilang inahan kaniadto nga mahimo lamang kining buhaton sa iyang kamanghurang anak kung “simple” na kini og pagkinabuhi.
Matud ni Kris, dugay pa siya mamahimong simple, busa dugay pa mahitabo ang gipangandoy niya nga paglansar.
Award para sa honor guards
Nahimong komedya karon sa kabayotan nga hayan dunay gisul-ob nga adult diaper ang honor guards ni kanhi Presidente Corazon Aquino nga sila si Pfc. Antonio Cadiente, Airman Second Class Gener Laguindan, Navy Petty Officer 3 Edgardo Rodriguez ug Police Officer 1 Danilo Maalab, hinungdan nga nakahimo sila nga mobarog sulod sa walo ka oras ug walay hunung-hunong aron mangihi.
Pero ang beteranang kolumnista sa PangMasa manay Lolit Solis seryoso sa iyang panganti nga hinabion ang mga nahisgutan aron masayran niya unsay preparasyon nila ug unsay una nilang gibuhat human malubong ang kanhi presidente.
“Gusto kong papurihan ang apat dahil hindi biro ang kanilang ginawa. Sa loob ng walong oras, nakatayo lamang sa ten-wheeler truck na nagdala sa bangkay ni Mama Cory sa lugar na paglilibingan nito.”
“Masahol pa sa penitensya ang dinanas nila. Hindi sila gumalaw, kumain o umihi man lang. Itsurang malikot ang truck, diretsong-diretso pa rin ang pagkakatayo nila,” nagkanayon si Manay Lolit.
Imposibli matud pa nga wala gutmo ang upat, busa buot gyud niya sila nga hinabion kay gusto pod siya masayod nganong bisan og nag-uwan ug gubot na kaayo ang ilang palibot tungod sa pagpunsisok sa mga tawo, wala gyud sila matarog ug tikig gihapon og binarugan.
Flowers for Cory
Padayon gihapon matud pa ang pag-abot sa mga buwak didto sa panimalay ni kanhi Presidente Corazon Aquino sa Times St., isip simbolo sa ilang mga pahasubo.
“Masyado nang marami ang bulaklak sa tapat ng bahay ng mga Aquino. Hindi puwede na forever ang mga bulaklak sa tapat ng bahay ng mga Aquino dahil mabubulok ‘yon.
Napakadali kasing puntahan ng bahay ni Mama Cory. Kahit sino, puwedeng pumunta sa kanyang simpleng bahay sa Quezon City.
Naabutan pa nga ni Senator Noynoy Aquino ang mga tao sa harap ng bahay nila, pagkagaling niya mula sa libing ni Mama Cory sa Manila Memorial Park. Gabing-gabi na noon at umuulan pa pero dedma ang mga tao na nagtipon-tipon sa harap ng bahay ng mga Aquino sa Times St.,” tsika pa ni manay Lolit Solis.
Jessica for Noynoy
Gikomedyahan ni Kris Aquino si Jessica Soho nga match kaayo kini sa iyang igsuon nga si Senador Noynoy Aquino. Kini nahitabo niadtong Miyerkules samtang gi-interiew ni Jessica si Kris sulod sa gisakyang coaster sa pamilyang Aquino.