CEBU, Philippines - Nahunong na ang pagpangulitawo ni Xian Lim ngadto sa partner niya sa Katorse nga si Erich Gonzales. Giklaro sa young actor nga wa siya gibasted ni Erich kay mas pilion pa nila nga mohatag og pagtagad sa ilang mga trabaho.
Aga-Regine Movie gisugdan na
Malipayon nga gibalita ni Aga Muhlach nga nagsugod na siya og shooting alang sa reunion movie nila ni Regine Velasquez ubos sa Viva Films nga idirek ni Joyce Bernal .
Official costume sa Darna
Ipailaila na sa mga press karong gabii ang seryeng “Darna” sa Studio 5 sa GMA Network Center ug first time nga makita nga isul-ob ni Marian Rivera ang iyang official Darna costume.
Glaiza isip Eunice?
Napanglantawan nga angayan kaayo si Glaiza de Castro sa papel nga Eunice alang sa pinoy version sa “Stairway To Heaven” sa GMA-7. Matud pa nga tataw na kaayo nga maayo siya sa kontrabida role nga maoy gidala niya sa kasamtangang serye nga “Kung Aagawin Mo Ang Lahat sa Akin”.
John mag-agad sa approval sa INC
Gipadayag ni John Regala nga dili siya modagan pagka board member sa Cavite kung walay approval sa Iglesia Ni Cristo. Importante alang sa aktor nga maminaw sa opinion sa iyang mga kaubanan sa nahisgutang relihiyon.
Igsuon ni Nomar mitingog na
Gibutyag ni Mr. Ramon Pardo (igsuon ni Nomar Pardo) nga wa’y atrasay ang kaso nga ilang gipasaka batok kang Richard Gutierrez . Hustisya lang ang iyang gipangita sa kamatayon sa iyang igsuon.
Rhap nangandoy nga mahisama ni Charice
Gipadayag sa 2009 WCOPA winner nga si Rhap Salazar nga gusto niya mahisama sa nahimutangan karon ni Charice Pempengco nga mahimong inila sa tibouk kalibutan.
Danilo mitambok
Mitambok na karon og maayo si Danilo Barrios gumikan kay na-enjoy siya og maayo sa pag-atiman sa iyang singko anyos nga anak nila ni Jaycee Parker. Malipayon ang aktor karon kay natagaan siya og proyekto sa ABS-CBN, ang Tiagong Akyat nga gibidahan ni Gerald Anderson .
“Oh My August”
Gipaila na sa ABS-CBN ang mga bag-ong programa sa buwan sa Agosto nga nagtangag sa tema nga “Oh My August”. Naglangkob niini ang Miss Universe 2009, Ang Mga Agimat ni Ramon Revilla: Tiagong Akyat, The Return of Mr. Bean, Ang Pangarap ni Cosette (Les Miserables), MMK 18, Vilma: A Woman for All Seasons ug Dahil May Isang Ikaw.