CEBU, Philippines - “Kung ano ano ang i-launch sa Manila, i-lo-launch din dito sa Cebu. Ganun namin kayo kamahal!” Kini maoy gibutyag ni JB Bautista, Regional Head for Entertainment TV sa GMA-7 ngadto sa Banat Hugyaw niadtong Sabado sa gabii.
Buot pasabot nga kung unsay mga bag-ong show nga ipagawas sa mga GMA-7 dunay mga bida niining maong mga pasundayag ang mutikang gayud sa Sugbo aron mo-promote. Pwes, human nila ni Carla Abellana, Geoff Eigenman ug Katrina Halili kinsa mga casts sa Rosalinda nga mitikang dinhi niadtong Sabado, lain na pod nga big star sa Kapuso Network ang muabot.
Ug siya walay lain kundili ang giisip nga rayna karon sa GMA-7 nga si Marian Rivera. Check! Muabot si Marian sa Sugbo karong Agosto 29, aron mag-promote sa iyang Darna serye nga mag-pilot na karong August 10, sa primetime isip hulip sa Zorro.
Sunod buwan muabot pod sa Sugbo si Dingdong Dantes aron mag-promote sa iyang Stairway to Heaven. Sa samang buwan dunay mahitabo nga auditions alang sa pagbalik na sa Starstruck.
Sa umaabot nga November muari si Richard Gutierrez aron mo-promote sa iyang Full House.