CEBU, Philippines - Wala magsilbi ang Zorro sa GMA-7 didto sa Mega Manila niadtong Martes, Miyerkules ug Huwebes. Kini tungod kay pakyas gayud kini sa pag-angkon sa unang dapit sa Top 10 shows. Ang mga pambato sa ABS-CBN, May Bukas Pa ug Tayong Dalawa maoy nagbanos-banos isip number one. Gani niadtong Miyerkules, midailos sa ikaupat nga dapit ang Zorro tungod kay May Bukas Pa, Tayong Dalawa ug Only You maoy miangkon sa top 3.
Echo no to kissing and love scenes
Subling gipamahayag ni Jericho Rosales nga kutob sa mahimo ug hangtod iyang malikayan dili na siya gyud mohimo og kissing ug bed scenes. May kalambigitan kini sa iyang pagka- Born Again Christian.
Fan ni Jolens?
Jolina ang ngalan sa bagyo nga naghulga karon sa Pilipinas. Pwes komedya pa sa beteranang kolumnista sa PangMasa nga si kinsa man gani nakahuna-huna niining maong ngan, sigurado siya nga fan ni Jolina Magdangal.
Jed nasakitan sa komentaryo
Gikaguol ni Jed Madela ang komentaryo ni Freddie Aguilar batok nila ni Charice ug Arnel Pineda. Matud ni Jed nga nakadayeg siya sa kalampusan ni Freddie pero sakit palandungon nga Pinoy ra pod ang mobira paubos sa isig ka Pinoy.
OMG, flop?
Flop ang OMG nila ni Judy Ann Santos ug Ogie Alcasid. Matud pa sa kolumnista sa PangMasa nga si Ed de Leon, didto sa kauluhan magduka ka na lang og pinaabot nga dunay musulod sa sinehan nga nagpasalida sa nahisgutang movie.
Kapuso Kalingawan gihugupan
Namahayag ang mga kadagkuan sa GMA-7 Corporate Communications nga mokabat ngadto sa 5,000 ka tawo ang mihugop sa Kapuso Kalingawan nga gipahigayon diha sa Ayala Center kagahapon sa hapon. Ang mga bida sa Rosalinda nga sila si Geoff Eigenman ug Carla Abellana, uban ni Katrina Halili maoy guests niini... Ryan Mark
Lapid wa maka pa-picture ni Obama
CEBU, Philippines - Gi-intriga karon si Senator Lito Lapid nga naniguro ra og kuyog ni Presidente Gloria Macapagal Arroyo sa Amerika aron makapahulagway kauban si US President Barack Obama. Ug ang nakapait matud pa kay wala makakuyog si Lapid sa nahitabong meeting sa duha ka mga presidente nga milungtad ra og 45 minutes.