CEBU, Philippines - Matawag nga hugyaw ang pelikulang OMG nila ni Ogie Alcasid ug Judy Ann Santos gumikan kay nalakip usab sa maong pelikula sila si Carmi Martin, Manilyn Reynes, Roderick Paulate, Sharon Cuneta, Regine Velasquez, Wendell Ramos ug Michael V. Makita na ang OMG karong July 29 under Regal Films.
Gina Pareño nahubog sa set
Giangkon ni Gina Pareño ngadto sa Pang Masa nga dihay higayon nga nahubog siya sa set sa pelikula diin makauban niya si Manny Pacquiao. Ang ilimnong giendorso ni Manny maoy nakahubog niya tungod kay dunay eksena nga kinahanglang moinom siya ug sa sige niyang inom nahubog na hinuon siya.
“Zorro” August 7, mahuman
Karon na ang katapusang adlaw sa taping ni Richard Gutierrez sa “Zorro” didto sa Bagac, Bataan ug malipayon kini nga misugilon nga nakuha na usab nila ang labing taas nga primetime rating nga 36.4%. Ang Zorro matapos karong August 7 ug maoy hulipan sa Darna.
Love Online dream come true ni Matt
Malipayon kaayo si Matt Evans nga natuman na gyud ang iyang pangandoy nga makauban sa usa ka proyekto si Vic Sotto pinaagi sa pelikulang “LOL (Love OnLine)”. Mapares ni Matt sa maong pelikula si Melissa Ricks nga niya pa ngadto sa PangMasa wala gyud nila damha ang maong kahigayonan.
Sexbomb Evette upat ka medals nahakot
Todo ang kalipay sa grupong Sexbomb gumikan sa nakuhang dungog sa ilang kauban nga si Evette Pabalan nga nakadawat og upat ka medalya sa bag-ohay pa lang nahuman nga 13th World Championship of Performing Arts sa Los Angeles, California. Nakuha ni Evette ang gold for Female Vocal Broadway, gold for Female Vocal Rock, silver for Female Vocal Gospel ug bronze for Female Vocal Pop.
Vilma dili pa gyud andam
Gipadayag ni Vilma Santos nga di pa gyud siya andam magpapili sa national nga posisyon (vice president ) kay gusto niya mo-focus isip gobernador sa Batangas. Gitino hinoun niya nga ang iyang bana nga si Ralph Recto magpapili pag-usab pag-kasenador sa 2010.
Kambal Sa Uma extended
Gipadayag ni Matt Evans ngadto sa PEP nga extended ang afternoon soap nila ni Melissa Ricks sa ABS-CBN nga Kambal Sa Uma. Pero hangtud karon wa pa siya’y idea kung unsa ang sunod niya nga proyekto human sa maong serye.