SEEN : Ang pagkanta ni Sandara Park ng In/Out sa isang TV show sa South Korea.
Bagay kay Sandara ang Filipino song na kanyang pinasikat, in na in ang showbiz career niya sa South Korea at out na ang kanyang career sa Pilipinas.
SCENE : Hindi credible ang metrosexual list ng Pinaka ng QTV 11.
Maraming aktor na higit na karapat-dapat na tawagin na metrosexual (banidoso) ang wala sa kanilang listahan.
SEEN : Ulilang lubos na si Maricel Soriano dahil namatay na ang kanyang ina na si Rosalinda Martinez noong Linggo.
Nakaburol ang labi ni Rosalinda sa Heritage Park at bukas nakatakda ang cremation ng kanyang bangkay.
SCENE : Ang rebelasyon ni Christopher de Leon sa interbyu sa kanya ni Boy Abunda na nagkaroon siya noon ng special feelings para kay Vilma Santos.
SEEN : Sina Pia Guanio at Tim Yap sa Bangkok, Thailand.
Limang araw na hindi mapapanood si Pia sa Eat Bulaga at 24 Oras.
SCENE : Dinamdam ni Jose Manalo ang pagbabakasyon niya sa Eat Bulaga.
SEEN : Sisimulan sa susunod na buwan ang audition para sa Starstruck V.
Kailangan nang maghanap ng mga bagong artista na pasisikatin ang GMA 7.
SCENE : Ang unsolicited advice ni Kris Aquino kay Angelica Panganiban na hindi nito maaaring regaluhan ng Rolex watch si Derek Ramsay dahil endorser silang pareho ng Swatch.