CEBU, Philippines – Kumpirmado ang balita sa Banat Hugyaw kagahapon nga 26.3% ra ang pilot rating sa Rosalinda sa GMA-7 ug gipildi kini sa Tayong Dalawa ug Only You sa Mega Manila. Karon, ang bag-ong detalye gikan sa Philippine Entertainment Portal ( PEP) mao nga ang pilot rating sa Rosalinda maoy labing ubos itandi sa ubang giisip nga “high profile” primetime shows sa GMA-7 sama sa Mulawin, (33 percent); Encantadia, (40 percent); Darna, (47.1 percent); Captain Barbell, (37.5 percent); Marimar (36.6 percent); ug Dyesebel (44.9 percent). Hinuon gipaabot nga motaas ang rating sa Rosalinda sa higayon nga mogawas na ang mga bida nga sila si Carla Abellana ug Geoff Eigenman.