CEBU, Philippines – Wala pay gipagawas nga TV ratings ang PEP ug ABS-CBN.com mga alas siete kagabii kalabot sa nahitabong sultada niadtong Lunes sa gabii sa pagsugod na sa dakong proyekto sa GMA-7, ang Rosalinda. Pero sa ubang blogsites, lakip na sa Pinoy Exchange duna nay gipagawas nga ratings nga matud pa iya sa AGB Nielsen ug maoy resulta niadtong Lunes sa Mega Manila. Base sa gipatik sa marianriverainfo. blogspot.com, 26.3% ra matud pa ang nahipos sa Rosalinda didto sa Mega Manila, gipildi kini sa Only You ug Tayong Dalawa. Samtang mensahe nga nadawat sa Banat Hugyaw kagahapon gikan sa usa ka OkRyanian nagkanayon nga 26.3% ra ang Rosalinda sa Mega Manila, Only You 27%, ug Tayong Dalawa 31%. Mihipos matud pa ang Zorro og 30% samtang 32 ang 24 Oras.
Sa nationwide rating base sa napatik sa marianriverainfo.blogspot.com, ikapito ra sa ranking ang Rosalinda nga dunay 23.1%. Suma pa nga base sa TNS survey niadtong Lunes, May Bukas Pa ang nag-una, 39.5%; TV Patrol, 35.2%; Only You, 34.7%; Tayong Dalawa, 33.5%; Boys Over Flowers, 28.4% ug Zorro, 25.3%