Tuwang-tuwa ang nakasaksi sa pagwawala ng isang magaling na singer-actress sa gate ng isang network dahil ayaw siyang papasukin ng guard dahil hindi siya nakilala. Galit na galit na naglitanya ang singer-actress dahil matagal na raw siya sa showbiz, ’di pa rin siya kilala ng guard na totoo namang ’di talaga siya kilala.
Humupa lang ang galit ng singer-actress nang payagang makapasok sa loob ng studio, pero kinailangan ang tulong ng ilang taong nakakakilala sa kanya para maniwala ang guard na singer siya at hindi fan.
In fairness, kilala ang singer-actress na may anak ding nasa showbiz, ang kaso, medyo bata pa ang guard na sumita sa kanya at hindi naabutan ang kanyang kasikatan. Kaya naman nasa network ang singer-actress ay dahil guest sa isa sa mga shows ng network.
***
Bukas, July 6 na ang target first taping day ng Darna/Narda at bago pa ang taping, pinagpalit na ang role nina Ehra Madrigal at Maggie Wilson. Ang una sana ang gaganap sa role ng babaing Linta at ang huli ang babaing Lawin, pero pinagpalit sila at si Ehra na ang linta at si Maggie ang lawin dahil medyo malusog si Ehra at baka hindi maganda ang labas sa costume ng babaing linta.
Hindi lang ang pagkikita ng mag-ex na sina Paolo Contis at Isabel Oli ang babantayan sa taping, pati na ang unang pagkikita after a long time ng former friends na sina Nadine Samonte at Isabel. Nasira ang friendship nila dahil sa maling akala na hindi na namin idedetalye para hindi na maungkat. Hopefully, magkaroon ng chance na makapag-usap ang dalawa at magkapaliwanagan.
Si Glaiza de Castro ang isa sa mga matutuwa ’pag nagkaayos na sina Nadine at Isabel dahil nanghihinayang siya sa nasira nilang friendship.
***
Dumalo si Snooky Serna sa press preview ng Bente, kung saan dumating din si direk Joel Lamangan. Hindi namin nakitang naglapit at nag-usap ang dalawa na nagkaroon ng conflict sa late na pagdating ng actress sa shooting ng Dukot, pero nagkapatawaran na sila nang mag-sorry si Snooky at inako ang kasalanan.
Kasama ni Snooky sa press preview ang bago niyang love na may initial na JDV na sabi’y, kilala ng ex niyang si Ricardo Cepeda. Naintriga lang kami’t hindi sila naki-join sa ibang cast ng movie sa loob ng Florabel’s Resto sa Podium, dun lang sila sa labas at silang dalawa lang ang magkasamang kumain at nag-uusap.
Hindi rin naman siguro ikagagalit ni Snooky ang biruan ng press na mabuti’t hindi siya late dumating sa press preview. Maganda rin naman ang comment sa kanya na siya ang pinaka-bida sa pelikula’t sa major cast, siya lang ang nabuhay. Kung paanong nangyari yun, watch na lang kayo sa showing ng Bente sa July 8, sa direction ni Mel Chionglo.
***
Tampok sa Ang Pinaka ng Q-11, 6 p.m. this Sunday, ang Memorable Celebrity Trademarks. Guest co-host si Kat Alano na pansamantalang kapalit ni Rovilson Fernandez. Guest panelists sina direk Soxie Topacio, Abigail Arenas-de Leon at comedian Ariel Villasanta.
***
Ending na this Sunday ng Bakasyonistas episode ng Dear Friend, galit si Gina (Isabel Oli) kay Alex (Mark Herras) nang malamang pinagpustahan lang siya ng binata. Igi-give up na ni Aaron (Rainier Castillo) si Tracy (Sheena Halili) dahil ’di niya kayang ibigay ang luho nito.
Mamaya na ang Dear Friend ng GMA 7 after SOP.