CEBU, Philippines – Gihimakak sa GMA-7 ang mga alegasyon sa Ang Dating Daan nga “bias and injustice,” ang ilang episode sa Case Unclosed nga gipagawas niadtong June 18. Ang maong episode dunay titulo nga ”Brother Eli: Paninirang Puri?” kinsa naghisgot sa kasong rape nga gisang-at ni Daniel Veridiano batok kang Bro. Eliseo Soriano niadtong 2005 diin hangtud karon wa pa gyud kini masulbad. Matud pa sa kampo ni Soriano nga dili unta angay ipasalida ang maong episode sanglit wa pangayoa ang ilang habig. Samtang sa statement sa GMA nga gipadala ngadto sa PEP, giklaro sa network nga ilang gisuwayan sa pagkuha ang side ni Soriano apan nagdumili kini paghatag og komento sa rason nga gidid-an matod pa siya sa korte. Nasayrang mibuhat og signature campaign ang Ang Dating Daan sa pag-boycott sa mga programa sa GMA-7.