Claire ka-duet ang foreign singer sa kanta ni Ogie
MANILA, Philippines – Ang kanyang 3rd album entitled Timeless ang siyang latest project ng ating global artist na si Ms. Claire dela Fuente sa Viva Records. At very happy ang veteran singer dahil puro magaganda at malalaking project ang ibinibigay sa kanya ng producer na si boss Vic del Rosario.
Matatandaang nag-platinum ang Something In Your Eyes album niya na nagsilbing comeback niya sa showbiz, pati na ang Christmas album niya, sinabayan pa ng kaliwa’t kanang mga concerts, kabilang na ang The Legends of OPM na naging very successful at nagka-SRO repeat sa PICC Plenary Hall.
Dito sa Timeless album, kinuha naman ang serbisyo ng Hollywood singer-actor na si David Soul, ang nagpasikat ng awiting Don’t Give Up On Us Baby upang maka-duet ni Claire sa revival nila na Bakit Ngayon Ka Lang? na popularized and composed by songwriter-comedian Ogie Alcasid at may version din nito ang Freestyle at si Pops Fernandez.
Impressive at mai-in love naman ngayon sa version nina Claire at David. Kabilang na rin ang Mandarin song na alay ng singer-entrepreneur sa Chinese community.
May planong pagsamahin sina Claire at David Soul sa concert na ipo-produce ni boss Vic under his Viva Events and Concerts.
- Latest
