Cristine intresado na gyud mag-kapuso og balik

CEBU, Philippines – Giingong desidido na gyud si Cristine Reyes mobalik sa GMA 7, mao kini ang gipadayag ni Marivin Arayata, vice president for entertainment sa Kapuso. Matud pa niini nga paaboton na lang ang announcement ni Cristine .

Gitawag nga “to match” ang status sa kontrata ni Cristine nga nagpasabot, puwede nga atbangan sa Dos ang presyo nila sa aktres. “Kung tatapatan ninuman ang contract niya sa amin, puwede ‘yon pero siya ang masusunod sa kanyang desisyon,” matud pa ni Arayata ngadto sa ABS-CBN News.

Giklaro ni Arayata nga wa sila maggukod ni Cristine ug ang aktres mismo ang midoul kanila busa ila kining dawaton sanglit ila man kining original talent.

Matud pa nga wa kaayo nalipay si Cristine sa mga kaubanan niini sa Dos ug mao kini ang hinungdan nga mohawa siya sa maong estasyon.