CEBU, Philippines – Gipistahan hangtud karon sa Youtube ang frontal nudity clip sa pelikulang Serbis diin nakita gyud ang “baby” sa bida nga si Coco Martin. Niining bag-o lang migawas ang maong clip, diin nag-sex sila si Coco ug Mercedes Cabral. Milungtad ang video og pito ka minutos. Kahinumduman nga mireklamo si Coco ngadto sa director nga si Brillante Mendoza sa milabay nga tuig tungod kay nakita ang maong eksena sa “uncut” version sa pelikula nga gipasalida didto sa Cannes Film Festival. Sa paggawas sa maong pelikula sa Pilipinas, naturalmente nga natangtang ang maong eksena.