CEBU, Philippines – Base sa partial ug unofficial list sa online votes sa 2009 FHM 100 Sexiest Women in the World , naglawig si Cristine Reyes as of May 29 ug ikaduha lang si Marian Rivera kinsa maoy rayna sa miaging tuig.
“Cristine has sheer sex appeal coupled with an indescribable innocence that she seems to exude,” butyag pa sa managing director sa FHM nga si Allan Hernandez.
Tsika pa sa PEP nga naa pud sa ikatulo ug ikaupat nga luna sila si Angel Locsin ug Katrina Halili.
Butyag pa ni Hernandez nga wa kaayo maapetukhi si Katrina sa giatubang niini nga eskandalo kung basihan lang ang gidaghanon sa mibotar kaniya.
“She is still FHM nation’s darling, and the votes tell us that our readers are with her all the way,” matud pa niini.
Ang voting gikatakda nga matapos karong June 15.
Busa daghan na ang naghinam-hinam kung mailog ba ni Cristine ang kasamtangang trono ni Marian? (Sanden Anadia)