Belo giduot ni Chua

CEBU, Philippines – Kung basehan ang sworn affidavit ni Erik Johnston Chua nga giduso niini kagahapon ug nahuptan sa Philippine Entertainment Portal, hayan mameligro gyud si Dra. Vicki Belo tungod kay migawas nga bugtong siya lang ang may kopya sa sex videos ni Dr. Hayden Kho Jr.

Una niini gidetalye ni Chua ang mga tawo nga dunay kalambigitan nganong misampot sila sa condo unit ni Kho ug gi-ablihan ang laptop niini niadtong milabay nga tuig.

“I personally know Dr. Hayden Kho (hereafter, “Dr. Kho”), Ms. Princess Marie S. Velasco (hereafter, “Ms. Velasco”), Dr. Mark Herbert A. Rosario (hereafter, Dr. Rosario”), and Dr. Maria Victoria G. Belo Henares (hereafter, “Dr. Belo”).”

Suma pa niya kanhi managhigugmaay sila Princess ug Rosario, ug gani gitakda na untang magpakasal. Apan nahagba ang relasyon human miangkon si Velasco ngadto ni Belo niadtong December 9, 2008, sa gabii nga dunay nahitabo nila ni Kho usa kagabii niana, dihang nakainom sila.

Matud ni Chua sa wala pa mutug-an si Velasco ni Belo, siya ug si Rosario nasayod na sa “ illicit affair” nila ni Velasco ug Kho.

“To verify the statements of Ms. Velasco about Dr. Kho’s infidelity, Dr. Belo requested Ms. Velasco to call Dr. Rosario, another acquaintance and me for a meeting at her residence,” narrated Erik, who added that the meeting took place also in Belo’s residence.

 “After hearing our report on Dr. Kho’s infidelity with other women and his recordings of the sexual encounters with them, Dr. Belo asked me, Dr. Rosario and Ms. Velasco to retrieve the computers, storage devices and hardware of the Belo Medical Group which were in her condominium [located in Paseo de Roxas in Makati City], where these recordings might have been kept,” saysay pa sa Ateneo de Manila University management engineering graduate si Chua.

Suma pa ni Chua nga gisugo dayon ni Belo ang katabang niini nga ipakuha ang yawe sa iyang condo, ug gihatag ngadto ni Chua. Suma pa gisakay sila sa driver ni Belo—siya, si Velasco ug si Rosario—paingon sa condo, diin sa third floor parking garage sila gihunong sa driver.

Pag-abot nila sa condo, wala si Kho didto, busa mipadayon sila pagkuha sa mga ekipo nga gihangyo ni Belo nga maoy ilang dad-on, matud pa.

Human sa usa ka oras, nahibalik sila sa panimalay ni Belo aron paghatag sa computers, storage devices ug hardware items nga maoy gihangyo sa doktora nga ilang kuhaon gikan sa condo unit niini.

Dihang buksan na unta nila ang laptop nga nagtangag sa files ni Kho, sanglit gihangyo man usab sila ni Belo, nakadawat sila og taho nga misuway og pakamatay si Kho. Hinungdan nga si Rosario, Velasco ug Chua mibalik sa condo unit, diin ilang nakit-an si Kho nga nagbuy-od ug wala nay panimuot.

Suma pa nga gi-examine dayon ni Rosario si Kho ug dihang nasuta niini nga buhi pa, dali nilang gidala si Kho sa Makati Medical Center. Misunod nila si Belo nga naglain og sakyanan.

“After the attending physicians at the emergency room of Makati Medical Center took over, Dr. Rosario, Ms. Velasco and I left. Dr. Belo stayed in the hospital with Dr. Kho,” ni Chua pa.