Seen : Nakakuha ng simpatiya ang opening statement na binasa ni Katrina Halili sa inquiry ng Senado sa sex video nila ni Dr. Hayden Kho, Jr. ngunit hindi niya nagawa na i-express na mabuti ang sarili dahil hindi siya mahusay magsalita.
Scene : Ang hamon ni Hayden na magpa-drug test si Katrina. Hair sample ni Katrina at hindi blood test ang hamon ng doktor dahil makikita sa buhok kung gumagamit ng droga ang isang tao, kahit anim na taon na ang nakalilipas.
Nagagamit ni Hayden ang kanyang propesyon upang wasakin ang kredibilidad ng kanyang accuser.
Seen : Ang mahusay na paghawak ni Senator Jamby Madrigal at ang may sense na mga tanong ni Senator Jinggoy Estrada sa imbestigasyon ng senado sa mga sex video ni Hayden.
Scene : Isailalim sa lie-detector test si Abner Afuang upang mapatunayan na totoo ang kanyang sinasabi na kusang-loob at hindi scripted ang pambubuhos niya ng tubig kay Hayden.
Seen : Ang galit ni Abner Afuang kay Senator Bong Revilla dahil sa bintang nito na scripted ang pang-aagaw ng eksena ng dating pulis-Makati.
Isinapelikula noon ang buhay ni Afuang. Si Phillip Salvador ang gumanap na Afuang. Magkaibigang matalik sina Phillip at Bong Revilla.
Scene : Ang bintang ng kampo ni Yasmien Kurdi na may nakikialam sa mga kaso na isinampa niya laban kay Baron Geisler. Wala raw intensiyon si Yasmien na makipag-areglo kay Baron.
Seen : Magkasama sina JC De Vera at Rhian Ramos sa Thanksgiving Mass para kay Richard Gutierrez.
Scene : Patuloy ang taping ni Maricar Reyes para sa Lovers In Paris. Tumatanggi siya na magpainterbyu sa mga TV reporter na pumupunta sa set ng Lovers In Paris.
Matalino si Maricar dahil alam nito na magiging kasali siya sa circus kapag lumantad siya. Sapat na ang pagsasamantala ni Hayden sa kanyang tiwala.
Seen : Na-outscoop ni Dyan Castillejo ang GMA 7. Ipinagtapat ni Manny Pacquiao kay Dyan na magaganap ang kanyang susunod na laban sa October 17 at si Floyd Mayweather, Jr. ang nais niya na makatunggali.