Maricar Reyes ayaw paapekto
Isang bonggang launch ang ipinatawag ng Flawless, isang aesthetic beauty clinic na pag-aari ng partners na sina Rubby Sy (CEO and managing director) at si Dr. Vicki Belo na ginanap sa Blue Leaf Pavilion sa McKinley Hill Village sa Bonifacio Global City noong Linggo kung saan ipinakilala ang kanilang mga celebrity endorsers.
Unfortunately, ilan sa mga ito ang hindi nakadalo tulad nina Richard Gutierrez, Katrina Halili, Judy Ann Santos, at Mark Herras. Tanging sina Lorna Tolentino, Yasmien Kurdi, Alyssa Alano at Butch Francisco lamang ang present sa nasabing event.
* * *
Dahil sa kinasasangkutang kontrobersiya ngayon ni Dr. Hayden na may kinalaman sa mga nagkalat na sex videos kung saan iba’t ibang babae ang kanyang mga kaniig, humarap sa isang eksklusibong panayam sa TV Patrol noong Lunes ng gabi ang ina ng controversial young doctor na si Gng. Irene Kho at matitinding akusasyon ang kanyang binitawan na kesyo si Katrina ang nagturo sa kanyang anak sa droga. Maging sina Sen. Bong Revilla at Manay Lolit Solis ay kanyang idinamay.
Bilang isang ina, nauunawaan namin ang damdamin ngayon ng ina ni Doc Hayden na proteksiyunan ang kanyang anak na nasa gitna ng malaking iskandalo pero may pananagutan din ang anak niya sa kanyang ginawa dahil hindi lang naman si Katrina ang babaeng nakasama sa sex video kundi marami pang iba.
* * *
Kaarawan ni Cristina ‘Kring-Kring’ Gonzales-Romualdez noong Sabado (May 23) at dalawang mahahalagang okasyon ang naganap sa hometown ng kanyang mister na si Mayor Alfred Romualdez kung saan din siya tumatayong pangunahing kon-sehal, ang Tacloban City.
Walang kapaguran ang mag-asawang Alfred at Kring-Kring kaya naman well-loved ang couple sa kanilang lugar.
Since sa Tacloban na naka-base ang mag-asawa, doon na rin nag-aaral ang kanilang dalawang anak na sina Sophia at Diana.
* * *
Sa kabila ng pagdaan ng maraming taon, wala pa rin talagang kupas ang tinaguriang Asia’s Queen of Songs na si Pilita Corrales. Napakahusay pa rin niya hanggang ngayon kung performance level din lamang ang pag-uusapan at kaya nitong makipagsabayan sa mas nakababatang performers tulad nina Randy Santiago, Raymond Lauchengco, Louie Heredia at Gino Padilla.
And speaking of Pilita and the men, dumating ang mga ito sa San Jose para pasayahin ang mga tao. Earlier, dumating din doon sina Sarah Geronimo, Rachelle Ann Go, Mark Bautista, Jimmy Marquez, TJ Trinidad, Carmen Soriano at Carmen Pateña, all for the love of Tito Al Chua.
* * *
Dahil mainit na pinag-uusapan ngayon ang sex video scandal nina Dr. Hayden Kho at Katrina, maging ang iba pang biktima na sina Maricar Reyes at isang Brazilian model, tiyak na hindi maiiwasang pag-usapan ang mga past sex videos ng mga kilalang personalidad tulad nina Criselda Volks, Anjanette Abayari, Ethel Booba at boyfriend nitong si Alex Crisano at maging ng isang dating kilalang sexy actress at ng kanyang politician lover.
Pero balitang ayaw paapekto sa trabaho ni Maricar sa nasabing sex scandal dahil tuloy ang trabaho nito sa ABS-CBN.
* * *
- Latest
