Hindi lamang ang pamilya ni Richard Gutierrez ang nagpapasalamat sa pagkakaligtas niya sa grabeng car accident na kinasangkutan niya nung Biyernes ng umaga na ikinamatay ng isa niyang trusted staff kundi maging ang napakarami niyang kaibigan, kasamahan sa trabaho at lalo na ang kanyang mga fans.
Ikalawang buhay na ito ni Richard kaya dapat ibayong pag-iingat na ang gawin niya next time.
Mabuti na lamang at ganun lang ang inabot niya. Hindi siya nabulag bagaman at nangailangan ng ilang stitches ang kanyang mukha. Ilang panahon lamang ng pamamahinga at pagtanggap sa kanyang aksidente ay mababalikan na niya ang kanyang normal na buhay. Pati ang kanyang trabaho.
* * *
Binigyan din ng GMA 7 ng isang masayang pagsalubong si Manny Pacquiao. Medyo na-late ito dahil bukod sa malakas na pag-ulan ay natapat ang pag-uwi ng Pambansang Kamao sa pagkalat sa mundo ng flu virus o A(H1N1). Pati nga siya naapektuhan, di ba?
Dahil isang Kapuso, ipinaramdam lamang ng GMA 7 na ispesyal ito sa network.
* * *
May kinapuntahan pala ang paghiwalay ni Ruben Laurente sa The Company dahil regular na itong kumakanta sa isang cruise ship, ang Mariner of the Sea na umiikot sa buong nundo. Malungkot man si Ruben dahil nami-miss niya ang kanyang mga kasamahan, mga kaibigan, kakilala’t pamilya, mas malaki naman ang kinikita niya sa kanyang bagong trabaho.
Ganito lang naman ang paraan para tayo umasenso sa buhay, kailangang may magsakripisyo.
* * *
Nagkita kami ni Jennylyn Mercado sa presscon ng SRO Cinemaserye Presents Suspetsa at sinabi nitong hindi naman siya totoong nawala nung bago ang concert niya pero, inamin niyang totoong nagkasakit siya at katunayan, wala siyang boses at halos hindi makakanta dahil sa paos. Milagro na lamang na natapos niya ang concert niya.
Pero ba’t siya tumatanggap ng mga commitment na halos ay hindi na makaya ng katawan niya? Payat na payat na siya at kahit sinasabi niyang nawala na nga pati boobs niya, napansin ko, ito na lamang ang malaki sa kanya.
Tinatawagan ko ang manager niya na kung maaari ay pagpahingahin naman ang alaga niya. Baka bumigay ang katawan nito, pare-pareho silang mawawalan. Alam kong nangangailangan si Jennylyn ng pera dahil nga sa malaki ang nawala niyang pera pero, dapat hinay-hinay lamang.