CEBU, Philippines – Unsay mahitabo sa Forever Flawless endorsement ni Katrina Halili? Kini maoy pangutana karon sa mga himantayon human mikatap ang kontrobersyal niini nga sex video. Nasayran nga gitakda nga ilusad si Katrina isip endorser sa maong kompaniya karong Domingo, Hunyo 24. Sa nasayran usab stockholder si Dra. Vicki Belo sa maong kompaniya. Hinuon si Katrina miingon nga ipunting una niya ang iyang atensyon sa iyang pagpangita og hustisya, bahala na ang iyang career kung unsay mahitabo. Magpasalamat siya og duna siya’y project pero kun wala, wala na siya’y mabuhat niini. Mipasalig usab siya sa iyang pamilya, pinaagi sa 24 Oras kagabii nga iyang tiwason ug husayon ang kontrobersiya nga iyang nalambigitan.