CEBU, Philippines - Pwes, human matud pa sa video ni Katrina Halili ug Hayden Kho ang video na pod sa doctor kauban si Rufa Mae Quinto ang giingong maoy sunod nga ipakatap. Dungan niini, gikatahong dunay sumpay ang dancing video nila ni Katrina ug Hayden, diin kung ang unang migawas “Careless Whisper” ang tukar, karon “Beautiful Girls” na pod.
David & David concert
Sama sa gipaabot nagsugwak ang mga tawo nga mitan-aw sa David Cook & David Archuleta: Live in Manila concert last Saturday sa SM Mall of Asia Concert Grounds. Tsika sa PangMasa puno ang tanang parking area, puno tanang dalan hinungdan sa grabe nga traffic. Dunay uban nga wala ka sulod sa venue ug sa giant screens na lang nga gipahimutang sa gawas nga bahin maoy gitan-aw. Suma pa naka-jackpot na pod ang Fearless Productions sa maong concert.
Eve last taping
Last taping day na sa All About Eve karong Miyerkules. Tsika nga nasagap sa PangMasa balik taping si Richard Gomez human sa ilang bakasyon ni Lucy Torres ug sa ilang anak nga si Julianna. Kini kay matud pa wala diay mamatay ang character niini isip Federico.
Hayden milayas
“Videos are out, stay away from the press.” Kini matud pa ang text ni Dr. Hayden Kho ngadto sa higala ni Katrina Halili human migawas ang controversial dancing video nilang duha. Pagkakaron, si Hayden maoy gisaway og maayo tungod kay milupad kini paingon sa Japan kauban si Dra. Vicki Belo, samtang si Katrina maoy nagkapuliki og sagang sa negatibong komentaryo mahitungod sa maong video.
Ruffa ug Loydie bonding sa hotel?
Gikataw-an ni Ruffa Gutierrez ang tsika nga nakit-an silang duha ni John Lloyd Cruz nga nag-bonding sa usa ka five-star hotel sa Makati, ug human sa usa ka oras, nanglakaw na sila. “Hello, sana iyong source, sinabi naman kung anong hotel, kung saang lugar doon, kung ano ang ininom namin. After kasi ng Betty La Fea, hindi na kami nagkausap ni John Lloyd hanggang sa umalis siya for their shooting sa New York at wala pa nga raw siya ngayon,” nagkanayon si Ruffa ngadto sa PangMasa.
Heart ug JC magsugod na
Karong Miyerkules na ang first taping day nila ni Heart Evangelista ug JC de Vera para sa SineNobela nga “Ngayon At Kailanman.” Ready na matud pa si Heart tungod kay nakapahuway na kini og maayo human sa Luna Mystika. Gani, misamot og ka-tan ang panit ni Heart tungod kay sa beach kini nagpondo samtang nagpaabot sa iyang next project.
Zoren nagmugna og project ni BB
Hugyaw ang tsika ni Carmina Villaroel ngadto sa PangMasa. Kini mao nga dunay namugna nga story si Zoren Legaspi para ni BB Gandanghari ug okay ra kaayo niya nga mosuporta sa maong project kung mahinayon kini.
Movie ni Piolo gibalibaran
Kiyeme Dora ang title sa movie diin bida silang Eugene Domingo ug Dingdong Dantes, diin usa sa mga producers si Piolo Pascual. Ang tsika apil unta si Senator Jinggoy Estrada niini apan mibalibad tungod kay madungan ang shooting sa pagbukas sa Senado.
Pacman the Superhero
Pantaserye ang giluto nga pelikula ni Wilson Tieng para sa iyang Solar Films ug bituonan ni Manny Pacquiao. Tsika nga nasagap sa PangMasa, superhero gyud ang role ni Pacman ug kasamtangan pang gikompleto ang cast.