All About Steve

CEBU, Philippines – Ang musunod natong kandidato mao lamang ang bugtong nga mi-represent sa usa ka eskuylahan gawas sa syudad ug probinsya sa Cebu. Siya ang atong male candidate no. 5 ug nagagikan sa Dolores National High School, Ormoc City, Leyte.

Si Steven Remerata bag-o lang mi-graduate sa high school niadtong Marso ug buot mokuha sa kursong nautical sa University of Cebu METC, Mambaling Campus diin human na siya nakapa-enroll. 

Matod ni Steve, dili niya mahimong talikdan ang DNHS tungod kay dinhi niya nabansay og maayo ang iyang katakos sa taekwondo. Nahimo siyang pambato sa ilang eskuylahan ngadto sa district meet pinaagi sa maong sport.

Gawas sa taekwondo, hilig usab ni Steve ang basketball ug softball. Siya miingon nga sa sports masinati ang daghang mga kalipay, ilabi na mahitungod sa “chicks.” Kalipay sa mga lalaki nga alirungan sa mga magdadayeg nga kababayen-an nga mo-cheer samtang magpasikatay sila sa pagduwa. Apan giklaro sa 15-year-old Fil-Am nga bisan pa man sa ka-open sa mga babaye, deserving gihapon sila sa respeto ug pagtahod sa mga lalaki.

This one-woman guy, who is a mixture of Cebuano, Leytehanon, and American bloods, naglantaw sa iyang kaugalingon isip usa sa labing maayong ship captains sa tibuok kalibutan ten years from now.