Hi there mga BisChikadora! Salamat sa mga ni text ug ni email nako regarding sa ilang feeling nga nawagtang na ang Istayl Nato. Ma miss daw nila ang Istayl Nato program labi na ang inyong Yur’s truly. Mao na siya ang giingon nga “ana gyud na ang kinabuhi” pero dili mo angay maguol mga BisChikadora kay inyo gihapon ko mabasahan dire sa Banat Hugyaw ug siyempre kung masirhan ta og pultahan dili na ginaingon nga mao na ang katapusan sa atong kinabuhi. Life must go on and on...
Anyway, good news sa tanan kay kauban si Anna Maris Igpit ug ang inyong KabisChika sa miaging semana sa gimugna nga GMA Station I.D. Cebu ug kami ni Anna ang hulagway sa Entertaintment Television. Laban ka? hahhahahaha! Hugyaw ang maong experience kay ang mga taga Manila gyud ang miari sa Sugbo para buhaton ang maong station I.D ug kauban sa maong shooting ang mga taga News and Public Affairs personalities nga lahi pud ang mugna. Atangi na ninyo kay anytime ipagawas na sa GMA 7 Cebu ang maong station I.D
Tungod kay wala man kitay tv program sa pagkakarun ang inyong Yur’s truly busy sa mga raket ang akong beauty sama nalang sa mga wedding coordination, hosting, mag-judge ug uban pa. I have more time sa akong family and for myself. Lingaw - lingaw pero dapat gihapon ta mokayod kay unsaon nalang ang atong mga obligasyon sa atong pamilya. Isip pang Buena mano sa akong kaugalingon mitikang ko sa Lungsod sa Moalboal para saksihan ang labing unang festival nila, ang Kagasangan Festival o Corals. Sayo palang sa buntag kauban si Tita Girlie Chan nga mao ang nag-decorate sa simbahan with the help of the wife sa ilang beloved Vice-Mayor Hon. Nelson Abenido nga si Madam Hilda Abenido, diha nami sa maong lungsod. Rampa gyud dayon ang akong beauty, ug nailaila ang group of boys nga mang henna kilid sa dalan. Suwerte kaayo ko kay libreng henna tattoo ang gihatag sa El ‘Boquongeroz Henna Tattoo artists nga silang Jr. Pontrivida, Jeff Patrick Abapo, Ryan Canoneo, Jimboy Cervantes ug Kervin Cañete nga mga astig kaayo. Sa gamay nga oras nag-BisChika mi. Daghan mi og na- istoryahan sa ilang mga experiences. Pero pagsugod sa Grand Showdown na kever ang kainit. Pang world class gyud ang lima ka grupo (Grupo Kalambuhay, Banawog, Manunggol, Sayap Sayap, Talampulong) nga nagpakita sa usa ka awit, tempo , sa ilang pagsayaw sa Kagasangan. Gitambungan ang Kagasangan Festival sa mga taga Moalboal, mga bisita ug turista which was very successful. Kudos sa ilang maabtikon kaayong Mayor nga si Hon. Yvonne L. Cabaron ug mga SB Members sa Lungsod sa Moalboal. Mao kini ang listahan sa mga mananaog:
Best in Costume
Grupo Manunggol
Best in Andas
Grupo Kalambuhay
Best Municipality
Grupo Sayap Sayap
Grand Showdown
3rd place
Grupo Kalambuhay
2nd place
Grupo Sayap Saya
Champion
Grupo Banawog
Congratulations sa akong fashion designer and a very good friend para sa iyang new boutique nga naa mahimutang sa Unit 104 E. Seno Bldg. Fortitch Street Cor. Duterte St. Banawa Cebu City. Hugyaw ra ang place mga BisChikadora kay pwede ka magduwa og tubig-tubig sa kadako ug siyempre naa gyud si Lemuel para mo atiman ninyo. Sa mga gusto magpatahi nga pareha nako tawag lang sa 255-4492 or 09216225888.
For your comments and suggestions email me sa yoriestorm@yahoo.com o text me sa 09105944253. Love you mga BisChikadora!!!! tungod ana tagaan tamo sa akong power hug… hug! hug! hug! Next week sa akong power kiss napud.