"Pagkawala" ni Jennylyn gimik ra?

CEBU, Philippines – Pwes wala magtakdo ang pamahayag nila ni Jennylyn Mercado ug sa iyang manager nga si Becky Aguila. Kini tungod kay matud pa ni Jen, daan na siyang nananghid kang Becky niadtong Sabado nga dili siya makatunga sa iyang appointments tungod kay duna siya’y ubo ug sip-on ug nawad-an siya og tingog. Daghan matud pa siya og giinom nga tambal busa perte niyang hagok ug wala matubag ang iyang cellphone. Sa interview sa Philippine Entertainment Portal niya sa set sa Paano Ba Ang Mangarap? niadtong Lunes, gitin-aw ni Jen nga diha ra siya sa balay for two days ug mipahuway. Nahibulong na lamang siya nianang pagka Domingo sa hapon nga diha nay balita nga nawala siya.