CEBU, Philippines - Pormal na nga gipahibawo pinaagi sa SOP kagahapon nga si Dingdong Dantes maoy male lead star sa Pinoy adaptation sa Koreanovela nga Stairway to Heaven. Si Dingdong modala sa papel Cholo nga gidala niadto sa sikat nga Korean actor nga si Kwon-Sang-woo. Gidungog usab nga si Jennylyn Mercado ma-partner ni Dingdong ug mo-portray sa papel ni Jodi nga unang gidala ni Choi Ji-woo. Tsika pa sa PangMasa dunay panawagan nga si Heart Evangelista maoy padad-on sa role ni Eunice nga unang gidala ni Kim Tae-hee.
Hain/ diin si Jennylyn Mercado?
Missing in action si Jennylyn Mercado sukad niadtong Sabado sa presscon ug hangtud sa pagsuwat niining maong balita kagahapon. Wala makatunga si Jen sa presscon para sa iyang I Am Woman birthday concert sa Music Museum, interview sa Startalk ug guesting sa SOP. Nagpunay ra og ring ang iyang cellphone ug bisan usa sa iyang mga higala matud pa wala masayod hain siya. Pananghid ni Jen nga magpaayo sa iyang digital camera, ug wala magpa-uban.
Paolo Santos i-repackage
Human sa tulo ka tuig, mibalik na usab ka-aktibo karon sa music industry si Paolo Santos pinaagi sa iyang bag-ong album sa Ivory Music Back to Basics. Ang Photograph maoy carrier single sa maong album inubanan usab sa Moonlight Over Paris ug duna pu’y OPM compositions. Tsika pa PangMasa uyon na pod si Paolo sa tambag sa iyang manager nga si Noel Ferrer, aron mag-comedy ug hosting na pod siya. Siya usab ang mokanta sa theme song sa wedding special nila ni Judy Ann Santos ug Ryan Agoncillo nga ipakita sa ABS-CBN. Ang kanta giulohan og Kuwento Nating Dalawa nga sinulat ni Joey Reyes.
Are You The Next Big Superstar?
Linain ug hugyaw nga reality search ang bag-ong programa sa GMA nga magsugod karong Mayo 16. Nag-ulohan kini og Are You The Next Big Superstar? diin mag-uban ang mga amateur ug professional singers sa usa ka all out singing competition. Sila si Regine Velasquez ug Keempee de Leon ang mga host sa maong programa. Duha ang mahimong champion, usa ka babaye ug usa ka lalaki. Sa dul-an sa 10,000 nga nagpa-screen, 150 ang nakuha. Moagi og daghang challenges, workshop ug live performances ang hopefuls aron ilang mapakita nga kaya nila ang bongga nga pagkanta. Sila si Danny Tan, musical director ug arranger Mon Faustino, former The Company member Annie Quintos, 90’s pop icon Randy Santiago ug concert queen Pops Fernandez ang jurors, plus duna pay surprises nga nagpaabot.
Kempee means dunay “K”
Dunay mga nang-intriga nganong si Kempee de Leon maoy co-host ni Regine Velasquez sa bag-ong programang Are You The Next Big Star?, nga magsugod na karong Sabado, May 16, sa GMA-7. Pwes, tubag sa kampo ni Kempee nga dunay “K” as in Karapatan si Kempoy tungod kay siya kaniadto ug nakahimo pa og album under OctoArts Records.
Mipildi ni Regine kaniadto ipakita
Hugyaw kaayo ang birthday special ni Regine Velasquez nga isalida sa GMA-7 karong May 24. Kini tungod kay gawas nga ipakita ang pagsugod gyud ni Regine kaniadto hangtud nga nahimo na siyang “Asia’s Songbird,” na-interview pa gyud ang babaye nga nagsige og pildi ni Regine kaniadto sa mga singing contests diin sila nagtigi.