CEBU, Philippines - Nahuman na ang cameo role ni Gabby Concepcion sa BFF or Best Friends Forever. Tsika nga nasagap sa PangMasa mao nga ang eksena nahitabo atol sa last taping day sa pelikula sa Star City, diin gipakita nga nanuroy ang mag-best friends nga sila si Sharon Cuneta ug Aiai delas Alas, ug duna sila’y nakit-ang gwapo nga lalaki nga nagtalikod.
Naghagawhaway ang duruha nga hayan ang maong lalaki na ang ilang prince charming.
Kalit nga miatubang ang lalaki ug si Gabby diay kadto. Suma pa sa source sa PangMasa sayo nga miabot si Gabby sa set ug gihimo dayon ang maong eksena. Milakaw dayon si Gabby human sa iyang partisipasyon.
Usa ra gyud ka camera ang gigamit ug walay gitugtan nga laing tawo nga mohulagway.
Buot pasabot sayon ra kaayong mapapas ang maong eksena kung mabulabog.