Lalaki sa panaginip ni Kristine nakita niya

MANILA, Philippines – Matapos ang shocking first episode ng Komiks Presents Mars Ravelo’s Nasaan ka Maruja? humanda pa sa mas nakakapanindig-balahibong mga eksena sa nangungunang Saturday series sa ABS-CBN.

Marami ang umantabay sa pagbabalik-telebisyon ni Kristine Hermosa kaya naman umarangkada ang ratings ng nasabing series. 

Sa pagpapatuloy ng kuwento, magugulat si Cristy (Kristine Hermosa ) dahil ang lalaking kanyang nasa panaginip ay makakaharap na niya, ang fiancée ni Helen (Karylle) na si Ross (Derek Ramsay). Pagkakita niya kay Ross sa hospital, nagkulong siya sa CR - nang nasa CR siya, magpapakita si Janet (Assunta de Rossi) sa kanya habang galit na galit ito at sinasakal siya.
Ano ang malalaman ni Cristy mula kay Janet? Makaka-iwas kaya si Cristy kay Ross - ang lalaking dati’y sa panaginip niya nakikita at ngayo’y makaka-halubilo niya na?
Alamin ngayong Sabado sa Komiks Presents Mars Ravelo’s Nasaan Ka Maruja, pagkatapos ng Cinema FPJ sa ABS-CBN.