Maaksyong finale ng Dads...

MANILA, Philippines – Humanda sa isa na namang maaksyong Linggo sa pagtatagisan ng galing ng apat na grupo sa pinakamalaking competition ng mga dad at kanilang mga chikiting sa season finale ng My Dad is Better Than Your Dad!

Pinangungunahan ni Paolo Contis, ang show ay ang ultimate bonding session ng apat na ama at kanilang mga anak tuwing Linggo. 

Pagalingan ang four teams sa five rounds ng show: — Ang Daddy Kong Fast, Ang Daddy Kong Strong, Ang Daddy Kong Smart, Ang Daddy Kong Brave, and Ang Daddy Kong the Best – upang mapanalunan ang jackpot prize ng P100,000 at lumabas na pinakamagaling na dad-and-kid duo.

Ipapakita muli ng top-rating reality show na ito na nagmula sa Mark Burnett Productions ang pagbabangayan ng four dads – ang dad na kinagigiliwan ng kanyang anak mula sa Team Moratillo; ang pasensyosong ama mula sa Team Bravo; ang sporty na dad na idol ni junior mula sa Team Enriquez; at ang masayahing dad na palatawa mula sa Team Guevarra.

Abangan ang team na mananalo at ang batang sisigaw ng My Dad is Better Than Your Dad! ngayong Linggo pagkatapos ng Kap’s Amazing Stories, sa GMA 7.