Sharon at AiAi may showdown sa ASAP

Ang inyong ultimate Sunday Party, ASAP ’09, ay patitikimin kayo ng mga upcoming projects at shows ng ABS-CBN ngayong Linggo.

Kapit na sa inyong mga upuan dahil ang Megastar na si Sharon Cuneta at si Ai Ai delas Alas ay hahandugan kayo ng isang bonggang production number na siguradong magpapa-excite sa mga nag-aabang ng kanilang nalalapit na pelikulang pinamagatang BFF ( Best Friends Forever).

Pasasayahin naman kayo ng dalawa sa cast ng Komiks Presents Mars Ravelo’s Nasaan ka Maruja na sina Kristine Hermosa at Derek Ramsay sa pamamagitan ng isang masayang awit.

Siguradong matutulala naman kayo sa ganda ni Angel Locsin lalo na’t kakantahan pa niya ang audience kasama ang kanyang mga leading men sa upcoming series na Only You na sina Sam Milby at Diether Ocampo.

Humanda dahil magsasama sa isang stage si Anne Curtis ar Zanjoe Marudo para sa isang ‘Kilig’ performance na ikatutuwa ng mga manonood. Ang dalawa ay magsasama muli sa isang series na pinamagatang The Wedding.

Para sa karagdagang updates, mag-log on lang sa www.abs-cbn.com http://www.abs-cbn.com o sa http://asaptv.multiply.com.