CEBU, Philippines – Pormal na nga gianunsiyo kagahapon sa GMA-7 nga si Marian Rivera ang modala isip Darna sa subling pagbalik niini sa telebisyon nga mugna ni Mars Ravelo.
Suma pa sa PangMasa giklaro ni Ms. Wilma Galvante, SVP for Entertainment TV sa GMA-7, nga solo project kini ni Marian sukwahi kini sa una nila nga plano niadto nga magkauban sila si Captain Barbell sa serye . Hinoun mogawas lang gihapon ang character ni Captain Barbell sa maong series.
Pwes, “happy to the max” ang gibate ni Marian kay pipila na ka higayon nga gi-sorpresa siya sa Kapuso network sama sa pagama niya niadto sa Marimar ug Dyesebel.
“Nagulat talaga ako!”. “Hindi ko ito alam. Akala ko may pag-uusapan lang na new project. Yun pala, may surprise sila sa akin. Maraming salamat sa GMA-7 at patuloy ang tiwala nila sa akin,” nagkanayon si Marian.
Kung kahinumduman unang midala sa maong papel sa telebisyon si Angel Locsin niadtong 2005. Pipila na usab ka mga aktres ang nahimong bida sa movie version niini nga naglangkob nila ni Rosa del Rosario, Liza Moreno, Eva Montes, Gina Pareño, Vilma Santos, Rio Locsin, Lorna Tolentino, Nanette Medved, ug Anjanette Abayari.