Jao dunay porno

CEBU, Philippines - Giangkon ni Jao Mapa nga nakahimo gyud siya og usa ka soft-porn movie nga straight to DVD format movie nga dunay titulo nga MissTaken. Mahitungod kini sa usa ka lalake nga gisamo-samok sa usa ka babaye aron magpakasal. Dunay pumping scenes ug makadaghan makita ang sampot ni Jao sa maong pelikula, pero niya pa ngadto sa PangMasa gibuhat niya ang tanan tungod kay gibayran siya og dako para niini.

Wala matud pa siyay pagmahay sanglit dako kaayo og natabang sa ilang panginahanglanon pinansyal ang iyang talent fee. Pasumbingay pa niya: mamili pa ba diay siya og project nga nagnihit man ang offers?

Kristine nangilog og dressing room ni Leah

Nag-ilogay matud pa og dressing room sa ASAP ’09 niadtong Dominggo sila si Lea Salonga ug Kristine Hermosa, suma pa sa showbizjuice.com. Suma pa nga unang miabot sa maong dressing si Kristine ug gitangtang niya ang ngalan ni Lea nga maoy nakapaskin sa pultahan, sanglit buot matud pa sa aktres nga duol siya sa studio sa ASAP ’09.

Patrick nahidlaw ni Baby Jazz

Giklaro ni Patrick Garcia nga dili pa gyud siya andam nga musulod og laong relasyon, busa dili tinuod nga sila ni Glaiza de Castro, kinsa kuban niya sa Dear Friend episode sa GMA-7. Suma pa ni Patrick ngadto sa PEP sulbaron una niya ang iyang personal nga problema, ilabi na ang iyang panghinaot nga makita ug makugos na gyud niya ang iyang anak nga si Baby Jazz, nga hangtud karon gihikaw pa ni Jennylyn Mercado ngadto kaniya.