Bagong show ni Marian secret pa rin
Mama Salve, aminin mo na nag-enjoy ka sa pakiki-pagtsikahan kay Mikaela Bilbao dahil marami siyang mga nakakalokang rebelasyon tungkol sa mga tao na nakasalamuha niya sa showbiz.
Idinenay din ni Mikaela ang blind item na hindi siya nakakabayad sa mga magazine at diyaryo na pinaglagyan ng ads ng Mikaela Advanced Aesthetic Center.
Ang sey ni Mikaela, bakit lumalabas pa rin sa mga magazine at dyaryo ang ads ng kanyang beauty clinic kung delingkwente siya sa pagbabayad?
Knows ni Mikaela ang tao na naninira sa kanya. Hindi raw makapagpakita sa kanya ang suspect dahil guilty ito. Na-confine si Mikaela sa ospital dahil sa nervous breakdown, porke nabuking niya ang mga panloloko ng tao na kanyang pinagkatiwalaan. Matunog na manggagantso ang tawag ni Mikaela sa naninira sa kanya.
* * *
Malapit nang buksan ang branch ng Mikaela sa Sgt. Esguerra Street sa Quezon City. Pinasyalan ko ang clinic noong Lunes at naloka ako sa mga high-tech machine na ginagamit ng Mikaela sa pagpapaganda ng kanilang mga pasyente.
Milyun-milyong piso ang presyo ng mga high-tech machine. Hindi ko matandaan ang pangalan ng mga machine pero nagmarka sa utak ko ang malaking tube na ginagamit sa masahe at body scrub.
Hindi na kailangan ng tao na magmamasahe o magba-body scrub dahil mismong ang makina ang gagawa nito. Hindi mahahawakan ng ibang tao ang hubad na katawan ng mga pasyente ni Mikaela. Tiyak na magiging popular sa mga artista at mga kilalang personalidad ang tube na nag-iisa lamang daw sa ating bayang magiliw. Sosyal ‘di ba?
* * *
Proud na proud si Mikaela sa pagsasabi na mga registered nurse ang lahat ng mga tauhan niya sa kanyang beauty clinic.
Mga nurse ang pinili ni Mikaela dahil may kaaalaman talaga sila sa pag-aalaga ng mga pasyente at kliyente.
Nurse din si Mikaela bago siya naging successful businesswoman at napa-practice niya sa clinic ang kanyang propesyon.
Na-meet ko kahapon sa presscon para kay Mikaela si Papa Roger Santander. Si Papa Roger ang wind beneath Mikaela’s wings. Beterano si Papa Roger sa pagnenegosyo kaya nagkakatulungan sila ni Mikaela.
Hindi nasasawa si Papa Roger sa pagtulong at pag-guide kay Mikaela dahil may Midas touch ito as in nagiging tagumpay ang lahat ng negosyo na hinahawakan ni Mikaela.
* * *
Noong Lunes ang last taping day ng Ang Babaeng Hinugot Sa Aking Tadyang at dahil tapos na ang taping, may time na si Marian Rivera para magpahinga at harapin ang kanyang ibang commitments.
Inihahanda na ang next TV project ni Marian pero secret pa ito. Isang bagay ang sigurado, matutuwa ang kanyang fans sa primetimes show na pagbibidahan.
Magkakaroon din si Dingdong Dantes ng bagong primetime show pero secret pa rin ito tulad ng show ni Marian.
Malakas ang ulan sa last taping day nina Marian at Dingdong sa Subic. Maulan din ang panahon sa Metro Manila.
Hindi na talaga normal ang climate dahil hindi pa tapos ang summer pero madalas na ang pag-ulan!
- Latest
