MANILA, Philippines - Seen : Loaded ng TV commercials ang delayed telecast kahapon ng GMA 7 sa The Flash and The Furious.
Nanalo ang mga Filipino boxer na sina Nonito Donaire at Brian Viloria.
Scene : Umalis noong Biyernes patungong Amerika sina Aubrey Miles, Troy Montero at ang kanilang anak na si Hunter.
Kasama sa biyahe ang anak ni Aubrey sa ex-boyfriend niyang si JP Obligacion.
Seen : Umalis kagabi si Dionisia Pacquiao papunta sa California. Excited siya sa kanyang unang biyahe sa Amerika upang bigyan ng moral support ang anak na si Manny Pacquiao sa laban nito kay Ricky Hatton.
Scene : Ang reaksyon ni Rowena Moran na hindi totoo na tanggap niya si Jolo Revilla bilang boyfriend ng kanyang anak na si Lovi Poe.
Seen : Malaki ang pagkakaiba ng mukha ngayon ni Alma Concepcion sa itsura niya noon.
Scene : Ipinakikita na sa GMA 7 ang teaser ng pelikula nina Richard Gutierrez at Anne Curtis.
Si Maryo J. De los Reyes ang direktor ng reunion movie ng ex-lovers. Co-production ng GMA Films at Viva Films ang proyekto.
Seen : Ginawang pamaypay ni S/Superintendent Frank Mabanag ng QCPD CIDU ang suicide note ni Trina Etong, ang nagpakamatay na asawa ni Ted Failon.
Huling—huli ng TV camera ang ginawa ni Mabanag sa ebidensya.
Scene : Ang suporta kay Richard Gutierrez ng kanyang mga kaibigan. Naninindigan sila na hindi nagkaroon ng gulo sa pagitan nina Richard at Michael Flores sa birthday party ng direktor na si Mark Reyes.
Nagsalita rin si GMA Films President Annette Gozon-Abrogar bilang suporta kay Richard.