Nagsalita na si Epi Quizon tungkol sa issue ng ‘tutukan’ umano nina Richard Gutierrez at Michael Flores sa birthday ng isang direktor ng GMA 7 na lumabas sa Philippine Entertainment Portal (PEP). Mismong ang manager ni Epi na si tita Dolor Guevarra ang nag-confirm nang tanungin ko, “Kausap ko si Epi, hindi totoo. Wala raw tutukan,” say ni Tita D. sa text message.
Kasama umano si Epi sa napaulat na insidente.
Actually, malayo pa ang tatakbuhin ng kuwentong ito dahil sinasabi ng PEP na meron silang apat na testigo.
* * *
Maarte pero may landi factor si BB Gandanghari nang maging guest co-host siya ni Eugene Domingo sa Cool Center last Saturday night. Maarte dahil may drama pa siyang nagpa-opera at malapit na siyang magkaroon.
Wait, nagpa-opera ng wisdom tooth at malapit na siyang magka-show. Parang nag-ilusyon na magkaka-regla siya.
Pero in fairness, maraming nanood sa kanya sa Cool Center. Mukhang inabangan siya at marami ang naaliw sa kaartehan niya. Kahit sa Showbiz Central kahapon, tinalbugan niya si John Lapus na inaamin naman ng huli.
Dapat sigurong magka-show na si BB (tamang spelling ng pangalan na ipinaliwanag niya). Interesado sa kanya ang viewers kahit naartehan sa kanya.
Ang bongga rin ng hitsura niya. Parang kamukha na ni Carmina Villaroel na parang sinasadya naman niya.