Nicolas ililigtas ang mundo

MANILA, Philippines - Basta si Nicolas Cage ang bida, tiyak na may kakaiba at kagulat-gulat na mga eksena. Dahil sa kanyang dedikasyon sa bawa’t proyekto, si Nicolas ay kabilang sa mga pinakaabalang aktor sa buong mundo.

Namamayagpag bilang isang action superstar at Academy Award winner, si Nicolas ay napapanood ngayon sa kapana-panabik at kagimbal-gimbal na pelikulang Knowing. Dito’y isa siyang astrophysics professor na magliligtas sa mundo dahil sa kanyang nadiskubreng lihim sa likod ng mga kalamidad.

Dinirihe ni Alex Proyas (I, Robot), ang Knowing ay punumpuno ng mga bagong effects na naging posible dahil sa mabusising teknolohiyang digital. Kabituin dito sina Rose Bryne (Troy) at Chandler Canterbury (The Curious Case of Benjamin Button).