Richard nakakitag away

CEBU, Philippines - Nakasagap og taho ang PEP kagahapon nga nakapag og away si Richard Gutierrez sa parking lot sa Oceana restaurant sa Pasay City niadtong tungang gabii sa March 29. Si Michael Flores, nga kanhi sakop sa TGIS, maoy kalalis ni Chard, ug dunay nanion og armas. Wala pa matino si Richard o Michael ba ang responsabli. Gikan ang duruha sa 40th birthday party ni director Mark Reyes. 

Sunshine smoker, walay paki

Kever si Sunshine Dizon kung makit-an siya sa iyang fans nga manigarilyo tungod kay kaniadto pa siya ingon niini. “I think it should no longer be an issue. Past na ‘yan noh we are living into new world. This is me. Hindi naman ako puwedeng mag-pretend eventually people will know. 

Hindi naman siguro nakakabawas ng pagkatao kung sakaling malaman or makita nila na I smoke,” lenggua pa niya ngadto sa PangMasa

Maui ug Jennifer wa magtagad

Giingong nag-isnabay ang duha ka kanhi mga sakop sa Viva Hot Babes nga sila si Maui Taylor ug Jennifer Lee sa usa ka event diin pareho silang duha ang dinapit. Daghan ang nagduda nga ang mga lalake nga nalambigit nila niadto ang hinungdan niini.

Jasmine Curtis di ganahan mag-artista

Murag dili na gyud mapugngan ang pagsulod sa limelight ang younger sister ni Anne Curtis nga si Jasmine gumikan kay nagpa-test shoot na   kini sa usa ka commercial. Dili pa andam mosulod sa showbiz ang sister ni Anne busa kutob ra sa commercial ang sudlan niini.

Chynna wa pa maayo

Duna gihapoy benda ang tiil ni Chynna Hortaleza human siya nahagbong sa stage samtang misayaw sa SOP duha ka semana na ang milabay. “It was a really bad sprain because of the dance number we did sa SOP. It was really an accident kaya magiging mas careful na ako sa mga susunod na dance numbers namin. Hindi ako puwedeng sumayaw or do anything strenuous for a month para mag-heal ito agad.”

Rhian wa kasabot og global recession?

Naglibog ang mga reporter kung wa kasabot o nagkomedya lang si Rhian Ramos sa iyang tubag dihang gipangutana kung apektado ba siya sa global recession. Tubag niini: ha? What’s that? Dunay miingon nga nakasabot siguro si Rhian apan dili siya apektado tungod kay daghan man siya og trabaho.

Bana ni direk Cathy patay sa aksidente

Breaking story sa PEP (Philippine Entertainment Portal) kagahapon sa hapon ang taho nga namatay sa vehicular accident ang bana ni director Cathy Garcia-Molina nga si Philip Molina. Cameraman ang maong bana ni direk Cathy. Nahitabo ang aksidente sa Baguio, City. Si Cathy ang direktor sa duha ka blockbuster movies nila ni Sarah Geronimo ug John Lloyd Cruz——A Very Special Love ug You Changed My Life.

Maricel wala maghunahuna’g pressure

Si Papa God na ang bahala. Kini maoy tubag ni Diamond Star Maricel Soriano sa pangutana kung na-pressure ba siya sanglit ang duha ka horror movies ni direk Chito Roño—Feng Shui ug Sukob—mega-blockbusters man. Suma pa ni Maricel, kinsa nakighinabi sa E-Group, diha sa Café Laguna kagahapon, ang pagbuot sa Ginoo maoy matuman, kun ang kita na unya sa iyang pelikula nga T2 ubos sa Star Cinema maoy hisgutan.