MANILA, Philippines - May ilang mga kamangha-manghang pagkilos at mala-taong katangian ang mga hayop na mapapanood sa pinakabagong programa ng GMA 7 ang Wow Hayop! Featuring Animals Are People Too! tuwing Miyerkules ng gabi sa Bilib Ka Ba Nights.
Tampok ang makulit at comical tandem nina Jose Manalo at Wally Bayola, ihahandog nila ang mga nakakatawa, nakakaiyak at nakakagulat na mga videos na nagpapakita ng pagkakaparehas ng hayop at tao sa maraming bagay.
Bagama’t hindi nakakapagsalita, ang mga hayop na karamihan ay pet kung ituring, nagagawa nilang ipahayag ang kanilang damdamin at emosyon sa pagiging balisa, masaya o malungkot.
Maliit o malaki, maamo o mabangis, may pakpak o may balahibo, tiyak na mapapa-wow ang mga manonood sa galing at abilidad ng mga hayop na lingid sa kaalaman ng mga ordinaryong tao.
Ang Wow Hayop! Featuring Animals Are People Too! ay sumusunod sa Fated to Love You sa Bilib Ka Ba Nights block ng Siete.