Juday ug Ryan: No Way!

CEBU, Philippines - Bisan nag-iyahay og patas-anay sa presyo ang ABS-CBN ug GMA 7 pero nagdumili lang gihapon pag-baligya sila si Judy Ann Santos ug Ryan Agoncillo sa TV rights sa ilang umaabot nga kasal.

Marian defensive sa Tadyang

Nabag-ohan lang gyud ang televiewers sa ilang papel nga gidala sa Ang Babaing Hinugot Sa Aking Tadyang Kini maoy subling depensa ni Marian Rivera sa isyu nga kahagbaon ang rating sa ilang bag-ong serye ni Dingdong Dantes ug dili na sama ka init ang paghangop nga ilang natagamtam. Mapasalamaton gyud siya nga dili common nga character ang iya karong gidala.

Cool Center patok!

Daghan ang nahimuot sa programang Cool Center nila ni Eugene Domingo ug Anjo Yllana sa GMA-7 nga nag premiere telecast niadtong Sabado sa gabii.

Ang mga hosts mismo malipayon tungod kay daghan sila og callers niining radio talk show format nga labing bag-ong dalit sa Kapuso network. Click usab matud pa ang chemistry nila ni Anjo ug Eugene.

Joross ug Kaye na pod

Human sa malampusong guesting ni Claudine Barretto sa May Bukas Pa duna na poy duha ka mga bag-ong character nga mulugwa ug mahibalag si Santino. Sila mao si Joross Gamboa ug Kaye Abad nga modala isip magtiayon, kansang kinabuhi bag-ohon ni Santino.

Regine ug Ogie biktima

Bisan sa haya ni Francis Magalona wala gyud magpapugong ang mga himantayon. Lakip sa ilang nabiktima mao sila si Regine Velasquez ug Ogie Alcasid diin matud pa pagnaug sa duruha nga nag-holding hands gikan sa ilang sakyanan, mikutib-kutib ang simod sa mga himantayon ug miingon nga ang “mga magkakabit” ang miabot.

Bata nga namatay, nabuhi

Chances Are, ang bag-ong show ni Paolo Abarera nga mulugwa na sa QTV 11 karong March 22. Sa pilot episode niini, ipakita si David Calo, ang batang lalake nga matud pa namatay pero nabuhi og balik busa iyang ipaambit ang iyang naagian didto sa langit diin iyang nahinabi si Jesus Christ ug ang mga anghel. (Sanden J. Anadia)