Entry to showbiz

CEBU, Philippines - Gihimugso isip Francis Durango Magalona niadtong October 4, 1964. Usa si Kiko sa siyam ka anak sa sikat nga mga ginikanan niyang sila si Pancho Magalona ug Tita Duran. Naila ang iyang mga ginikanan isip usa sa labing sikat nga screen tandems kaniadto sa Sampaguita Pictures niadtong dekada ‘40 ug ‘50s. Ang lolo ni Kiko nga si Enrique Magalona mi-alagad sa Philippine Senate sukad 1945 hangtud 1955.

Mitungha sa San Beda College si Kiko sa wala pa siya misulod sa showbiz during the ‘80s. Una siyang gipaila sa pelikulang Bagets 2 sa Viva Films in 1984 diin nakauban niya ang original cast (except for Aga Muhlach) with the inclusion of Ramon Christopher and the late Jonjon Hernandez.

Misunod ang mga pelikula niyang Doctor, Doctor We Are Sick, Ninja Kids, Family Tree, Action Is Not Missing, Hati Tayo Sa Magdamag, Kung Aagawin Mo Ang Lahat Sa Akin, Joey Boy Munti, Gumapang Ka sa Lusak (diin nakaangkon siya og Urian best supporting actor nomination), Iputok Mo Dadapa Ako, Mama’s Boys, Estribo Gang, Engkanto, Ano Ba ‘Yan, Tong-Its ug Kamada. Katapusan siyang naaninaw sa big screen sa indie films nga Anak ni Brocka ug Astigmatism.

Unang TV show ni Kiko ang sitcom nga U.F.O.: Urbana, Felisa and Others sa GMA-7 diin bida sila si Nanette Inventor ug Mitch Valdes.

Sa music, nainila si Kiko tungod sa pagpasikat niya sa bag-ong matang sa musika, ang Pinoy Rap. Kini maoy rason nga giila siya isip Master Rapper o King of Pinoy Rap. Naaninaw ang iyang abilidad sa pag-rap sa mga TV shows nga Loveliness (diin nahimo siya nga resident rapper), Vilma!, PST: People Staying Tuned, That’s Entertainment ug sa Eat Bulaga diin milungtad siya og kapin 15 years.

Nahimong phenomenal hit ang album ni Kiko nga Yo! (diin misikat ang mga rap songs nga Mga Kababayan Ko, Cold Summer Nights, Gotta Le ‘Cha Know, Man From Manila) ug giisip kini nga first rap album in Philippine music history. Nasundan kini og Rap Is FrancisM diin misikat ang Mga Praning, Halalan ug Tayo’y Mga Pinoy. Diha pod ang albums nga Meron Akong Ano ug Freeman.

Tungod sa pagpa-uso ni Kiko sa rap, naghatag kini og kahigayonan sa uban pang rap artists sama nila ni Michael V., Andrew E., Lady Diane ug ang sikat na karon nga Gloc 9.

Si Kiko pod ang labing unang Pinoy VJ ng MTV Asia. Misunod sa iyang mga tunob sila si Regine Tolentino ug Donita Rose. Nahimong host si Kiko sa MTV Asia segments nga Life’s A Beach ug MTV Talk.

Sa wala pa siya mipanaw, gipahibawo na nga duna siyay collaboration kauban si Ely Buendia mahitungod sa bag-ong album nga gi-ulohan og The Sickos Project.

Nasayran sa PangMasa nga nahuman na ang maong album nga namugna samtang dungan nga nasakit sila si Kiko ug Ely.

Sa March 10, sa Loyola Memorial Park sa Marikina City, ipahigayon ang cremation ni Kiko. Dungan niini, nanawagan ang pamilya ni Kiko nga inay mga buwak ug limos ang ihatag, blood donation na lang ngadto sa Philippine Red Cross maoy mas maayong buhaton sa buot mutabang. Ang Red Cross dako kaayo og natabang sa treatment ni Kiko.